उच्चस्तरीय छानबिन आयोग नबनेपछि एमालेको जवाफ : सरकार सम्झौताबाट पछि हट्यो

राजनीति

नेपाल लाइभ शुक्रबार, असोज ५, २०८० २०:५७

काठमाडाैं- सुन तस्करी प्रकरणबारे अनुसन्धान गर्न असोज ५ गते बन्ने भनिएको उच्चस्तरीय छानबिन आयोग पूर्वसहमतिअनुसार बन्न नसकेपछि प्रमुख प्रतिपक्ष दल नेकपा एमालेले सरकार सम्झौताबाट पछि हटेको बताएको छ।

सुन तस्करी छानबिनका लागि उच्चस्तरीय आयोग बनाउने विषयमा छलफल गर्न शुक्रबार सिंहदरबारमा बसेको बैठक बिना निष्कर्ष सकिएको हो। प्रमुख प्रतिपक्ष दलका सचेतक महेश बर्तौलाले असोज ५ गते उच्चस्तरीय छानबिन आयोग गठन गर्ने र आजैबाट काम गर्ने भन्ने सहमति भएपनि सरकारले उदासिनता देखाएको बताए।

एमालेले सुन तस्करको जरासम्म पुग्न चाहेको र निष्पक्ष छानबिन हुनुपर्ने माग उनकाे भनाइ छ। उनले आफ्ना वचनप्रति सरकार जवाफदेही नभएको कुरा शुक्रबार गठन हुन नसकेको उच्चस्तरीय छानबिन आयोगबाट प्रमाणित हुने बताए।

सरकार घटना टार्न सम्झौता गर्ने र सम्झौताको कार्यान्वयन नगर्ने पक्षमा रहेको आरोप उनको छ।

सीआईबीको अनुसन्धानपछि आयोग बनाउने विषयमा संसद्का राष्ट्रिय मान्यताप्राप्त दलहरुबीच सहमति जुटेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्यामेल चुरोटको विज्ञापन गर्नेलाई काठमाडौं महानगरले गर्‍यो २५ हजार जरिवाना

बेलायतका राजकुमार दम्पती भोलि नेपाल आउँदै

पाथीभरा केबलकार विवाद : सरकारी वार्ता टोलीले थाल्यो काम