काठमाडौं– संविधान दिवस, २०८० का अवसरमा आज (बुधबार) देशभर विभिन्न कार्यक्रम आयोजना गरिएको छ। संघीय सरकारसहित प्रदेश र स्थानीय सरकारले पनि संविधान दिवसको अवसरमा विभिन्न कार्यक्रम आयोजना गरे।
संविधान दिवस मूल समारोह समितिले सैनिक मञ्च (टुँडिखेल)मा विशेष समारोहको आयोजना गर्यो। समारोहमा राष्ट्रपति रामचन्द्र पौडेल प्रमुख अतिथिका रूपमा सहभागी भएका थिए।
कार्यक्रममा उपराष्ट्रपति रामसहायप्रसाद यादव, प्रधानन्यायाधीश विश्वम्भर श्रेष्ठ, राष्ट्रियसभाका अध्यक्ष गणेशप्रसाद तिमिल्सिना, कार्यवाहक प्रधानमन्त्री पूर्णबहादुर खड्का, उपप्रधानमन्त्री नारायणकाजी श्रेष्ठ, मन्त्रीहरू, सङ्घीय संसद्का सभापति र सांसदहरू, संवैधानिक निकायका प्रमुख एवं पदाधिकारी, विदेशी मित्रराष्ट्र तथा नियोगका प्रमुख र प्रतिनिधि, राष्ट्रसेवक कर्मचारी तथा सञ्चारकर्मीको उपस्थिति थियो।
सो अवसरमा नेपाली सेनाको हेलिकोप्टरबाट ‘संविधान दिवस, २०८०’ लेखिएको ब्यानर प्रदर्शन तथा पृष्पवृष्टि गरिएको थियो। ब्यानर लेखिएको होलिकोप्टरले चक्रपथ परिक्रमा गरेको थियो। मैदानबाट रङ्गीचङ्गी बेलुन र शान्तिका दूत परेवा उडाइनुका साथै नेपाली सेना, नेपाल प्रहरी र सशस्त्र प्रहरी बलका विभिन्न टोलीबाट मार्चपास तथा साङ्गीतिक प्रस्तुति गरिएको थियो।
काठमाडौं महानगरपालिका, ललितपुर महानगरपालिका र भक्तपुर नगरपालिकाद्वारा सांस्कृतिक झाँकी प्रस्तुत गरिएको थियो भने सूचना तथा प्रसारण विभागबाट प्रकाशित ‘नेपाल’ द्वैमासिकको संविधान दिवस विशेषाङ्क विमोचन गरिएको थियो। समारोहमा कार्यवाहक प्रधानमन्त्री पूर्णबहादुर खड्काले सम्बोधन गरेका थिए।
यस्तै, ७ वटै प्रदेशमा संविधान दिवसको अवसरमा विभिन्न कार्यक्रम आयोजना गरियो। प्रदेश सरकारले आयोजना गरेको कार्यक्रममा प्रदेश प्रमुख, मुख्यमन्त्री लगायत उच्चपदस्थत पदाधिकारी र अधिकारीहरु सहभागी भए।
स्थानीय सरकारले पनि संविधान दिवसको अवसरमा विभिन्न कार्यक्रम आयोजना गरे। संविधान दिवसका अवसरमा सबै जिल्लाहरुमा प्रभातफेरी लगायत कार्यक्रमहरु आयोजना गरिए। संविधान दिवसको अवसरमा जिल्ला सदरमुकामहरुमा सरसफाइ कार्यक्रमका साथै विभिन्न सचेतनामूलक कार्यक्रमहरु पनि आयोजना गरिए।
तस्बिरहरु:
1695185256.JPG)
1695185256.JPG)
1695185255.jpg)
1695185255.JPG)
1695185253.jpg)
1695185253.JPG)
1695185254.JPG)
1695185254.JPG)
1695185252.JPG)
1695185252.JPG)
1695185251.jpg)
1695185250.JPG)
1695185250.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
