काठमाडौं- संस्थापन इतरपक्षका नेता शेखर कोइरालाले मंगलबार आफ्नो समूहका पदाधिकारी र केन्द्रीय सदस्यको बैठक बोलाएका छन् । दिउँसो २ बजेदेखि बस्ने भनिएको बैठकमा महामन्त्री विश्वप्रकाश शर्मा र केन्द्रीय सदस्य प्रदीप पौडेललाई समेत निम्तो दिइएको थियो ।
तर विश्वप्रकाश र प्रदीप उक्त वैठकमा सहभागी नहुने भएका छन्। बिहीबारदेखि सुरु हुने केन्द्रीय कार्यसमिति बैठकको पूर्वसन्ध्यामा बस्न लागेको शेखर गगन समूहको बैठकमा शर्मा र पौडेललाई पनि बोलाएकोमा उनीहरु उपस्थित नहुने भएका हुन।
नेपाल लाइभसँग कुरा गर्दै केन्द्रीय सदस्य पौडेलले आफू बाहिर जानका लागि प्लेन चढिसकेकाले वैठकमा सहभागी हुननसकेको बताए।
यस्तै १४ औँ महाधिवेशनमा नेता प्रकाशमान सिंहको ‘प्यानल’ बाट महामन्त्री जितेका विश्वप्रकाश शर्मा समेत बैठकमा उपस्थित नहुने भएका छन्। महामन्त्री शर्माले फरक विचार र समूह हुनु स्वभाविक भए पनि अहिलेको समय महासमितिबाट नीति, गति र मतिउपर साझा दृष्टि निर्माण गर्ने समय भएको बताएका छन्।
उनले ट्विट गरेका छन्, ‘दलहरूमा फरक विचार र विचार समूह हुनु स्वभाविक हो। कांग्रेसमा पनि छ र छन्। यो अभ्यासलाई हार्दिक ढंगले लिइनुपर्छ। तर अहिलेको समय महासमितिबाट नीति, गति र मतिउपर साझा दृष्टि निर्माणको समय हो। यो कर्ममा महामन्त्रीले संयोजन र सम्पादन गर्नुपर्ने जरुरी विषयहरुप्रती सजग छु र रहनेछु।’
पूर्वमहामन्त्री कृष्णप्रसाद सिटौला समूहमा रहेका पौडेल महाधिवेशनमा सभापति देउवाको प्यानलबाट महामन्त्रीमा प्रतिस्पर्धामा पराजित भएका थिए। पार्टीको संसदीय दलको नेतामा सभापति देउवा र महामन्त्री थापाबीच भएको प्रतिस्पर्धामा शर्मा र पौडेल दुवै थापाको पक्षमा उभिएका थिए।
कुनै पनि समूहमा नरहेका भनिएका शर्मा र पौडेलले पछिल्लो समय शेखर गगन समूह निकट हुँदै आएका छन्। यसअघि कांग्रेस केन्द्रीय सदस्य अर्जुननरसिंह केसीले बोलाएको बैठकमा शर्मा र पौडेल दुवै जनाको उपस्थित थिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1738557849.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
