अमेरिका पुगेर प्रधानमन्त्रीले भने– विदेशमा रहेका नेपालीलाई मतदानको व्यवस्था गरिन्छ

राजनीति

नेपाल लाइभ सोमबार, असोज १, २०८० ०९:३३

न्यूयोर्क– प्रधानमन्त्री पुष्पकमल दाहाल प्रचण्डले विदेशमा रहेका नेपालीहरूलाई मतदानको व्यवस्था गरिने बताएका छन्। संयुक्त राष्ट्र संघको ७८औँ महासभामा सहभागी अमेरिकामा रहेका प्रधानमन्त्री प्रचण्डले पत्रकारहरूसँगको भेटमा यस्तो बताएका हुन्।

प्रधानमन्त्री प्रचण्डले विदेशमा रहेका नेपाली नागरिकहरूलाई मतदानको व्यवस्था मिलाउन निर्वाचन आयोगलाई निर्देशन दिएको जानकारी दिँदै कसैलाई पनि मतदानको अधिकारबाट बञ्चित हुन नदिने बताए।

सरकारले भ्रष्टाचार नियन्त्रण र सुशासनका लागि जस्तो सुकै कदम चाल्न पनि तयार रहेको उनले दाबी गरे। सरकारले गरेका राम्रा र सकारात्मक कुराहरूलाई भन्दा पनि कसरी बदनाम गर्न सकिन्छ भन्ने गिरोह सक्रिय रहेको उनको जिकिर थियो।

आइतबार अमेरिका पुगेका प्रधानमन्त्री प्रचण्डले संयुक्त राष्ट्र संघका महासचिव एन्टोनियो गुटेसेससँग पनि भेटवार्ता गरेका छन्। महासभालाई सम्बोधन गर्नुअघि प्रधानमन्त्री प्रचण्डले अल्पविकसित राष्ट्रको अध्यक्षको हैसियतले विभिन्न साइडलाईन बैठकमा सहभागिता जनाउने कार्यक्रम रहेको छ। प्रधानमन्त्री प्रचण्डले सेप्टेम्बर २१ मा महासभालाई सम्बोधन गर्ने कार्यक्रम रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजको मौसमः तराईमा हुस्सु र कुहिरो, पहाडमा सामान्यतया सफा रहने

क्यानडा र मेक्सिको माथि २५ प्रतिशत आयातकर लगाउने ट्रम्पको निर्णय तत्काललाई स्थगित

आज गण्डकी प्रदेशभर सार्वजनिक बिदा