समाजवादी मोर्चाको कर्णाली प्रदेश समन्वय समिति गठन

राजनीति

नेपाल लाइभ बिहीबार, भदौ १४, २०८० १५:१६

काठमाडौं– समाजवादी मोर्चा नेपालले कर्णाली प्रदेशमा समन्वय समिति गठन गरेको छ। कर्णालीको राजधानी वीरेन्द्रनगरमा आयोजित सन्देश सभाबाट प्रदेश समन्वय समिति घोषणा गरिएको हो।

मोर्चामा आबद्ध ४ दलहरु नेकपा माओवादी केन्द्र, एकीकृत समाजवादी, जसपा र नेकपाका ३–३ जना सदस्य राखेर समन्वय समिति घोषणा गरिएको हो।

समितिमा माओवादी केन्द्रबाट विमला केसी, कृष्णबहादुर जिसी र दिनेश चँदारा छन्। त्यस्तै, एकीकृत समाजवादीबाट प्रकाश ज्वाला, अमरबहादुर थापा र ठगेन्द्र पुरी छन्।

समितिमा जसपाबाट देवीराज न्यौपाने, गगन सारु र सन्तोषी विक तथा नेकपाबाट विराट सी, पौरख सी र सभ्यता सी सदस्य छन्।

बिहीबारको सन्देश सभामा सम्बोधनका लागि प्रधानमन्त्री पुष्पकमल दाहाल, एकीकृत समाजवादीका अध्यक्ष माधवकुमार नेपाल, नेकपाका महासचिव नेत्रविक्रम चन्द, जसपाका नेता प्रकाश अधिकारी लगायत वीरेन्द्रनगर पुगेका छन्।

उल्लेखित ४ दलले गत असार ४ गते समाजवादी मोर्चा नेपाल घोषणा गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिका र रुसबीच मङ्गलबार रियादमा ‘फलो-अप बैठक’

प्रचण्ड आउने दिन विद्यालय बन्द गर्न माओवादीको पत्र

पाथीभरा केबलकार निर्माण विवाद: ‘नो केबलकार’ समूहलाई सरकारले बोलायो वार्तामा