काठमाडौं– इन्जिनियरिङ अध्ययनको शुल्क वृद्धिविरुद्ध आन्दोलनरत विभिन्न विद्यार्थी संगठन र त्रिभुवन विश्वविद्यालयबीच सहमति भएको छ।
बुधबार त्रिविका पदाधिकारी र विद्यार्थी संगठनका पदाधिकारीबीच त्रिविमा भएको वार्तामा पाँच बुँदे सहमति भएको हो।
सहमति अनुसार इन्जिनियरिङ अध्ययन संस्थानले गरेको हालको शुल्क वृद्धि फिर्ता लिन निर्देशन दिने निर्णय भएको छ।
यसका लागि विद्यार्थी प्रतिनिधिसहित समिति गठन हुने र त्यसले सात दिनभित्रमा प्रतिवेदन पेस गर्ने र प्राप्त सुझावका आधारमा कायम गरिने शुल्कलाई लागू गर्न सबै पक्ष सहमत निर्णय पनि भएको त्रिविले जनाएको छ।
यस्तै उक्त शुल्क लागू गर्न सहमत भइसकेको अवस्थामा आल स्थगित गरिएका प्रवेश परीक्षा लगायतका कार्यक्रमहरु सुचारु गरिने, इन्जिनियरिङ अध्ययन संस्थान अन्तर्गतका अन्य परीक्षाहरु यथावत सञ्चालन गर्न अवरोध नगर्ने र आमरण अनुसन लगायतका सबै आन्दोलनहरु स्थगित गर्ने निर्णय भएको त्रिविले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
