काठमाडौं- आम जनता पार्टीका अध्यक्ष प्रभु साहले देश लुटेर विदेशमा गई मोज गर्नेहरू सत्तामा रहेको आरोप लगाएका छन्। सोमबार पार्टीको केन्द्रीय कमिटी बैठकमा देश लुटेर विदेशमा सम्पत्ति थुपार्नेहरू सत्तामा हाबी भएको र उनीहरूकै पक्षमा ऐन प्रावधानहरू बनिरहेको बताए।
उनले विदेशमा खुन पसिना बगाएर भए पनि नेपाल बनाउन चाहनेहरू देशमा अपमानित भइरहेको तर नेपाल लुटेर विदेश थुपार्नेहरू सम्मानित भइरहेको बताए। सरकार, शासन र प्रशासनमा ती वर्गका कुनै पनि काम नरोकिएको उनको भनाइ थियो। उनले गैरआवासीयलाई नागरिकता दिने विधेयक पारित अचल सम्पत्ति बाहिर लैजाने बाटो खोल्न भएको आरोप लगाए।
सत्तामा देश लुटेर विदेश पुर्याउने वर्गहरू भएकै कारण देश असफलतातर्फ उन्मुख भइरहेको र अहिले देश संकटग्रस्त अवस्थामा रहेको उनले बताए।
उनले भने-
देश संकटग्रस्त अवस्थाबाट गुज्रिरहे्को छ। नेपालमा पैसाको अभाव छ। बजारमा पैसा छैन। बैंकले भन्छ पैसा छैन। सरकारले भन्छ पैसा छैन। सरकारी निकायले भन्छ लक्ष्य अनुसार राजस्व उठेको छैन। वैदेशिक लगानी १० प्रतिशत पनि भित्रिनसकेको छैन। वैदेशिक ऋणसमेत पनि धौधौ, आउन सकेको छैन। वैदेशिक सहायताको अवस्था धौधौ। हाम्रो आर्थिक वृद्धिदर जम्मा २ प्रतिशत। वैदेशिक घाटा झण्डै १५ खर्ब पुगेको छ। यो तमाम सूचकांकले भन्छ नेपालको हालत दयनीय छ।
नेपाली जनता सरकारी संयन्त्रमाथि विश्वास गर्दैन। भोलिको भविष्यप्रति आश्वस्त छैन। यो ‘सिन्यारियो’ले भन्छ नेपाल असफलतर्फ उन्मुख छ। नेपाल जसरी अगाडि बढिरहेको छ यसको कारण खोज्न आवश्यक छ। हामी प्रस्ट देख्न सक्छौँ सत्तामा गलत मान्छहेरू भएका कारण यो स्थति छ। यसलाई हामी सुधार गर्न सकेनौँ भने नेपालको भविष्य सम्भव छैन।
नेपालमादुई ढंगका मान्छे छन्। एउटा नेपाली श्रम पसिनाद्वारा नेपाल बनाउन चाहन्छ, समृद्धितर्फ लान चाहन्छ, देशमा होस् वा विदेशमा। विदेशका कुना कुनामा पुग्छन्, श्रम गरेर त्यहाँबाट पैसा ल्याएर नेपाल बनाउन चाहन्छन्। एउटा नेपाली यस्तो छ।
अर्को नेपाली छ जसले नेपालभरि दोहन गर्छन्, लुट्छन् र विदेश पुर्याइदिन्छन्। एउटा श्रम गर्ने, देश विदेश मरेर भए पनि ठक्कर हण्डर खाएर पनि नेपालमा पैसा ल्याउन लागेको छ। अर्को दोहन गर्छन्, विदेश पठाइदिन्छन्। नेपाालको सत्तामा को छन्?अहिले कसको हातमा सत्ता छ? सत्ताको चरित्र कस्तो छ? को हुन् सत्ताका मालिक? नेपाल बनाउने वाला छ कि नेपाललाई दोहन गरेर विदेश पुर्याउने वाला छ?
दुईथरिका मान्छेहरू विदेशमा छन्। यसो नजर दौडाउनुहोला। एक लुटेर लिनेवाला छ। अर्को विदेशमा तड्पिने, मर्ने, खुन-पसिना चुहाउने र पैसा ल्याएर नेपाल बनाउने वाला छ। आज नेपालमा भविष्य देख्ने, नेपाल बनाउने खोज्नेहरू अपमानित छन्। नेपाल लुटेर, बेचेर विदेश थुपार्नेहरू सम्मानतित छन्। सत्ता सायद तिनैको हो भन्ने देखिन्छ। जबसम्म देश लुटेर विदेश पुर्याउने भगौडाहरू सत्तामा हाबी रहन्छ देशको उन्नति सम्भव छैन। राज्य सत्ताकै चरित्र भनेकै भगौडा दलाल चरित्र छ। नेपाललाई दोहन गर्ने र नेपालका सम्पत्तिहरू विदेश पुर्याएर मोज गर्ने यिनै वर्गको वर्चस्व रहेसम्म नेपालको भविष्य सम्भव छैन।
हामी हेरिरहेका छौँ, अहिले सरकार जति पनि शासन प्रशासन छ ती वर्गका कुनै पनि काम कहीँ रोकिएको छैन।
तपाईं सन्नुभएकै होला गैरआवासीय नागरिकता विधेयक पारित भयो। नेपालबाट १० लाख मानिसले विदेशको नागरिकता लिएका छन्। नेपालको पुरानो काननुले भन्छ विदेशको नागरिता लिनेहरू विदेशी नागरिक हुन्। विदेशी नागरिकता लिए उनीहरूको सम्पत्ति कति छ भन्ने सरकारलाई सोध्न चाहन्छु। ती सम्पत्ति राज्यसँग छ? हुनुपर्ने हो। नेपाालको कानुनले भन्छ-यदि कुनै नागरिकले विदेशको नागरिकता लियो भने त्यसको श्रीसम्पत्ति राज्यको हुनेछ। भनेपछि १० लाख मानिसहरू जो उपल्लो तप्काका थिए, धनाढ्यहरू थिए तिनीहरूले विदेशको नागरिकता लिए। तिनको कति सम्पत्ति नेपाल सरकारसँग छ भन्ने जान्न चाहन्छु।
यति ठूलो कालाधनहरू अवैध सम्पत्ति जब विदेश जान्छ... जति चल सम्पत्ति थियो त्यो लिएर गए। जति अचल सम्पत्ति थियो बेच्न पााइरहेका थिएनन्, त्यो लग्नका लागि नागरिकताको बाटो खोलिदिएको हामी प्रष्ट बुझ्न सक्दछौँ।
जति पनि प्रावधानहरू नेपालमा बनिरहेका छन् ती लुटेर भाग्नेहरू, लुटेर विदेशमा मोज गर्नेहरूको पक्षमा बनिरहेका छन्। यसबारे हामी गम्भीर हुन जरुरी छ। जबसम्म सत्तामा यी वर्ग रहन्छन्, तबसम्म हाम्रो मुलुक उन्नतितर्फ अघि बढ्न सक्दैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
