गौर घटनाको छानबिनका लागि गृह मन्त्रालयद्वारा पत्राचार

राजनीति

नेपाल लाइभ आइतबार, भदौ १०, २०८० १४:४३

काठमाडौं– गौर घटनाको छानबिनका लागि गृह मन्त्रालयले छानबिनका लागि सम्बन्धित निकायलाई पत्राचार गरेको छ। गृह मन्त्रालयले उक्त घटनाका दोषीलाई कारबाही प्रक्रिया अगाडि बढाउन पत्राचार गरेको हो।

गौर घटनाका पीडितहरुले दोषीलाई कारबाहीको माग गर्दै आएका छन्। २०६३ चैत ७ गते रौतहटको राइस मिलमा तत्कालीन मधेसी जनअधिकार फोरम र माओवादी केन्द्रबीच झडप हुँदा २७ जना माओवादी नेता कार्यकर्ताको हत्या भएको थियो।

उक्त घटनाका दोषी उपर कारबाही हुनुपर्ने माग गर्दै पीडितहरु आन्दोलनमै उत्रिएपछि साउन २३ गते पीडित र गृह मन्त्रालयबीच सहमति भएको थियो। उक्त सहमति अनुसार नै मन्त्रालयले सम्बन्धित निकायलाई पत्राचार गर्दै दोषीमाथि कारबाही प्रक्रिया अघि बढाउन निर्देशन दिएको हो।

उक्त घटनाका सम्बन्धमा पीडितसँग सरकारले सम्झौता गरेपछि जनता समाजवादीका अध्यक्ष उपेन्द्र यादव चिढिएका छन्। केही दिनअघि तराईमा आयोजित जसपाको एक कार्यक्रममा यादवले गौर घटना राजनीतिक घटना भएकाले कारबाही प्रक्रिया अघि बढे देशमा आगो बलने चेतावनीसमेत दिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नक्कली भुटानी शरणार्थी प्रकरण: थुनामा रहेका बेचन झाको मुद्दामा मिसिल झिकाउने आदेश

एआईसम्बन्धी नीति मस्यौदा सार्वजनिक [पूर्णपाठ]

ट्रम्पको निर्णयबिरुद्ध युएसएआइडी मुख्यालय बाहिर विरोध प्रदर्शन