हेलिकाेप्टरमार्फत् स्वास्थ्यमन्त्री बस्नेत हेलम्बुकाे बाढी निरीक्षण गर्न जाने

राजनीति

नेपाल लाइभ शनिबार, भदौ ९, २०८० ११:१५

काठमाडाैं- स्वास्थ्य तथा जनसंख्यामन्त्री माेहनबहादुर बस्नेत अविरल वर्षाका कारण सिन्धुपाल्चोकको हेलम्बु, मेलम्ची क्षेत्रमा गएकाे बाढीले पुगेकाे क्षति निरीक्षण गर्न जाने भएका छन्। शनिबार बिहान ११ बजे हेलिकप्टरमार्फत् आफू त्यहाँ जान लागेको जानकारी उनले दिएका छन्।

ग्याल्थुममा रहेको श्री सरस्वती माध्यमिक विद्यालयका भौतिक संरचनाहरु, चनौटे बेलिबृज, मेलम्ची बेलिबृज लगायत केही घरहरुमा बाढीले निरन्तर पुर्याएकाे असर तथा प्राकृतिक विपत्तिले त्यहाँका स्थानीयलाई परेकाे दु:खले आफ्नाे मन कुँडिएकाे उनले बताएका छन्।

बागमती प्रदेशका सांसद कृष्ण कुमार तामाङ, नेपाली काङ्ग्रेस सिन्धुपाल्चोक जिल्ला सचिव रमेश राज भण्डारी, मेलम्ची नगर उपसभापति रामशरण गिरीलगायतका नेताहरूलाई त्यहाँ खटाइएकाे जानकारी दिँदै उनले माैसमले साथ दिए आफू पनि पुग्ने बताएका छन्।

उनले भनेका छन्:

आदरणीय दाजुभाई दिदिबहिनीहरु,
निरन्तर वर्षाको कारणले हेलम्बु-४, ग्याल्थुममा रहेको श्री सरस्वती माध्यमिक विद्यालयको भौतिक संरचनाहरु, चनौटे बेलिबृज, मेलम्ची बेलिबृज लगायत केही घरहरुमा बाढीले निरन्तर असर पुर्‍याइरहेको खबरहरुको अपडेट पूर्वनिर्धारित विविध कार्यक्रम र मन्त्रालयको व्यस्त कार्यभारका बाबजुद पनि निरन्तर रुपमा लिइरहेको छु। यस्तो किसिमको प्राकृतिक विपत्तिले तपाईंहरुलाई परेको दु:खलाई गहिरो रुपमा महसुस गरिरहेको छु र भौतिक संरचनाहरु ढल्दै गर्दा मेरो मन कुँडिइ रहेको छ। तपाईंहरुको दु:खलाई बुझ्दै बाढी आएको खबर पाउनासाथ बागमती प्रदेशका माननीय कृष्ण कुमार तामाङ, नेपाली काङ्ग्रेस सिन्धुपाल्चोक जिल्ला सचीव रमेशराज भण्डारी, मेलम्ची नगर उपसभापति रामशरण गिरीलगायत विभिन्न तह र तप्कामा रहनुभएका साथीहरुलाई तपाईंहरुको दु:खमा साथ दिनको निमित्त तपाईंहरुमाझ पठाएको छु र सडक संरचनाहरु, बस्तीहरु, खेतीयोग्य जमिनहरु क्षतविक्षत भएको यस विषम परिस्थितिमा मौसमले साथ दिएको खण्डमा आज ११ बजे हेलिकप्टरमार्फत् मेरो तपाईंहरुमाझ आउने योजना रहेको छ ।

परिस्थिति विषम छ धैर्य गरौं सतर्क भई सुरक्षित स्थानमा बसौं विपत्तिको सामना तपाईं हामी सबै मिलेर गर्ने नै छौं। सँगसँगै जिल्लाका सम्बन्धित निकायहरू, जनप्रतिनिधिहरु, समाजसेवीहरु लगायत सम्पुर्णमा हाई अलर्टका साथ विपत्तिमा सहयोगी भुमिका निर्वाह गर्नको निमित्त अनुरोध गर्न चाहन्छु।

अन्तमा सम्पूर्ण दाजुभाई दिदिबहिनीहरु तपाईंहरुको प्रतिनिधिको हैसियतले विद्यालयको ढलेका भौतिक संरचना निर्माण गर्न र लाईफलाईनको रुपमा रहेको चनौटे र मेलम्ची बेलिबृज जोगाउनको निमित्त कुनै कसर बाँकी नराखी कार्य सम्पादन गर्ने प्रतिबद्धता जाहेर गर्दछु।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नक्कली भुटानी शरणार्थी प्रकरण: थुनामा रहेका बेचन झाको मुद्दामा मिसिल झिकाउने आदेश

एआईसम्बन्धी नीति मस्यौदा सार्वजनिक [पूर्णपाठ]

ट्रम्पको निर्णयबिरुद्ध युएसएआइडी मुख्यालय बाहिर विरोध प्रदर्शन