कोशी प्रदेशका घटनाहरू प्रारम्भदेखि नै संविधानसम्मत छैनन् : रमेश लेखक

राजनीति

नेपाल लाइभ बिहीबार, भदौ ७, २०८० १५:५३

फाइल तस्बिर

काठमाडौं- नेपाली कांग्रेसका नेता रमेश लेखकले कोशी प्रदेशमा भइरहेका घटनाहरू संविधानसम्मत नरहेको बताएका छन्। बिहीबार संसद् भवन परिसरमा पत्रकारहरुसँग कुरा गर्दै उनले सो प्रतिक्रिया दिएका हुन्।

‘कोशी प्रदेशमा जति पनि घटनाहरु देखिरहेको छु। ती घटनाहरु प्रारम्भदेखि अहिलेसम्म, कुनकुन पार्टीले कहाँनेर के गरे, म विस्तृतमा जान्नँ। प्रारम्भदेखि अहिलेसम्म कोशी प्रदेशमा भएका सबै घटनाहरु संविधान र कानुनसम्मत छ भन्ने मलाई लाग्दैन’, उनले भने।

सो प्रदेशमा भदौ ४ मा मुख्यमन्त्री उद्धव थापाले विश्वासको मत लिने क्रममा सभाको अध्यक्षता गरिरहेका इस्राइल मन्सुरीले पनि मत दिएका थिए। मत सच्याउने समयसमेत सकिएपछि उनले सभाको अध्यक्षता अर्कै सांसदलाई गर्न लगाएर मत दिएका थिए। र पछि मुख्यमन्त्रीले प्रस्तुत गरेको विश्वासको मत लिने प्रस्तावको पक्षमा बहुमत प्राप्त भएको घोषणा गरेका थिए।

भदौ ४ गतेको घटनाविरुद्ध नेकपा एमालेका संसदीय दलको नेता हिक्मत कार्कीले सर्वोच्च अदालतमा रिट दायर गरेका छन्।

यसअघि पनि थापाले तत्कालीन सभामुख बाबुराम गौतमकोसमेत हस्ताक्षरमा मुख्यमन्त्रीका लागि दाबी पेस गरेका थिए। र मुख्यमन्त्री नियुक्त भएका थिए। तर त्यसलाई सर्वोच्च अदालतले असंवैधानिक ठहर गरिदिएको थियो।

थापाले दोस्रो पटक मुख्यमन्त्रीमा दाबी पेस गर्नुअघि भने सभामुख गौतमले राजीनामा दिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नक्कली भुटानी शरणार्थी प्रकरण: थुनामा रहेका बेचन झाको मुद्दामा मिसिल झिकाउने आदेश

एआईसम्बन्धी नीति मस्यौदा सार्वजनिक [पूर्णपाठ]

ट्रम्पको निर्णयबिरुद्ध युएसएआइडी मुख्यालय बाहिर विरोध प्रदर्शन