काठमाडौं- तत्कालीन नेकपा मालेले ३४ वर्षअघि सम्पन्न गरेको चौथो महाधिवेशन दिन पारेर केन्द्रीय सचिवालय बैठक बस्ने भएको छ।
सिरहाको विष्णुपुरकट्टीस्थित एक घरमा २०४६ भदौ ९ देखि १४ सम्म मालेको चौथो महाधिवेशन आयोजना गरिएको थियो। सोही महाधिवेशनबाट मालेको महासचिवमा मदन भण्डारी चयन भएका थिए।
सोही दिनको सन्दर्भ पारेर सोही घरमा मालेले केन्द्रीय सचिवालय बैठक आयोजना गर्न लागेको प्रदीप ज्ञवालीले जानकारी दिएका छन्।
'नेकपा (माले) द्वारा आयोजित नेकपाको चौथो महाधिवेशन आरम्भ भएको ठिक ३४ वर्षपछि त्यसै दिन र त्यसै हलमा नेकपा (एमाले) केन्द्रीय सचिवालयको बैठक बस्ने तयारी हुँदैछ,’ ट्विटरमा सो घरको फोटोसहित उनले लेखेका छन्, 'इतिहास र वर्तमानलाई जोड्ने तथा बिरासतलाई अझ सुदृढ गर्ने हाम्रो प्रयास!'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
