काठमाडौं– बुधबार बिहान बसेको सत्ता गठबन्धनको बैठक सकिएको छ। बैठक मुख्यगरी संसद्मा जारी अवरोध खुलाउने विषयमा केन्द्रित भएको थियो।
नेकपा एमालेले सुन तस्करी प्रकरणलाई छानबिन गर्नका लागि उच्चस्तरीय छानबिन आयोग गठन गर्नुपर्ने माग राख्दै साउन १० गते प्रतिनिधि सभा र राष्ट्रिय सभा अवरोध गर्दै आएको छ। सदन खुलाउन सरकारमाथि दबाब बढिरहेको अवस्थामा सरकारमा प्रतिनिधित्व गर्ने दलरुबीच छलफल भएको हो।
बैठकमा सहभागी एक नेताका अनुसार, संसद्को अवरोध खुलाउनुपर्नेमा लगायत समसामयिक अन्य विषयमा पनि छलफल भएको थियो।
महान्यायाधिवक्ता दीनमणि पोखरेलले विभिन्न विषयका कानुनी जटिलताका विषयमा ब्रिफिङ गरेका थिए। उनले ललिता निवास जग्गा प्रकरणमा सम्बन्धमा सरकार कसरी अगाडि बढ्न उचित हुने भन्ने ब्रिफिङ गरेका थिए।
मुख्यतः नाम जोडिएका पूर्वप्रधानमन्त्रीहरुलाई अनुसन्धानको दायरामा ल्याउने विषयमा बैठकमा चर्चा भएको थियो। सहभागीहरुले अनुसन्धानमा सघाएर आफूमाथि उठेका प्रश्नको जवाफ दिनुपर्नेमा जोड दिएका थिए।
विभिन्न प्रकरणका सम्बन्धमा सरकारमाथि उठेका प्रश्नहरुलाई यथोचित सम्बोधन गरेर अगाडि बढ्नुनपर्नेमा पनि नेताहरुबीच मतैक्य थियो। आफैंमाथि प्रश्न बाँकी राखेर सरकारले नागरिकलाई जवाफ दिन नसक्ने र विश्वास दिलाउन नसक्ने उनीहरुको भनाइ थियो।
बैठकमा उपेन्द्र यादवले गौर काण्डको छानबिनको विषयका सन्दर्भमा चासो व्यक्त गरेका थिए। बैठकमा सहभागी एक नेताका अनुसार महान्यायाधिवक्ता पोखरेलले यादवलाई अहिलेसम्म अनुसन्धान नै अगाडि नबढेको हुनाले पक्राउ परिहालिन्छ कि भनेर त्रसित नहुन सुझाएका थिए।
यसअघि गत सोमबार पनि गठबन्धनको बैठक बसेको थियो। सोही बैठकले पोखरेललाई उल्लेखित विषयमा अर्को बैठकमा ब्रिफिङ गर्नका लागि भनेको थियो। बुधबारको बैठक सोमबारकै बैठकको निरन्तरता भएको ती नेताले बताए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
