नेप्से परिसूचक लगातार तेस्रो दिन पनि घट्यो

बैंक/बिमा/सेयर

नेपाल लाइभ मंगलबार, साउन २३, २०८० १६:१९

काठमाडौं- यो साता कारोबारको लगातार तेस्रो दिन पनि नेपाल स्टक एक्सचेञ्ज (नेप्से) परिसूचकमा गिरावट देखिएको छ। मंगलबारको कारोबारमा नेप्से परिसूचक २८ दशमलव ४० अङ्कले घटेर २८ दशमलव ४० अङ्कमा कायम भएको हो। नेप्से परिसूचक आइतबार ३८ दशमलव ३७ र सोमबार तीन दशमलव २१ अङ्कले घटेको थियो।

विभिन्न कम्पनीका दुई सय ६५ कम्पनीको ४८ लाख ६० हजार सात सय ४१ कित्ता सेयर ७४ हजार दुई सय ५७ पटक खरिद-बिक्री हुँदा एक अर्ब ७३ करोड ७० लाख १४ हजार पाँच सय रुपैयाँ बराबरको कारोबार भएको छ। आजको कारोबारमा सबै समूहको उपसूचक घटेको छ।

सबैभन्दा धेरै जीवन बीमा समूहको उपसूचक एक सय ९६ दशमलव ०१ र निर्जीवन बीमा समूहको उपसूचक एक सय १२ दशमलव २५ अङ्कले घटेको छ। बैंकिङ १३ दशमलव २५, विकास बैंक ६६ दशमलव ६८, वित्त ४८ दशमलव ०१, होटल तथा पर्यटन ८४ दशमलव ३६ र जलविद्युत् समूह ३८ दशमलव ५२ अङ्कले घटेको छ।

त्यस्तै, लगानी समूह शून्य दशमलव ५१, उत्पादन तथा प्रशोधन ७३ दशमलव ६१, लघुवित्त ६० दशमलव ९८, म्युचुअल फन्ड शून्य दशमलव १०, व्यापार ७७ दशमलव ३५ र अन्य समूह २६ दशमलव ७९ अङ्कले घटेको छ।

स्वरोजगार लघुवित्त विकास बैंकको सेयर मूल्यमा आज सकारात्मक सर्किट लागेको छ। सबैभन्दा धेरै गुमाउनेमा भने ग्लोबल आइएमई बैंक डिबेन्चर २०८०/८१ को सेयर मूल्य प्रतिकित्ता नौ प्रतिशतका दरले घटेको छ।

कारोबार रकम र कारोबार भएका सेयर सङ्ख्याका आधारमा आज सबैभन्दा धेरै आईएमई लाइफ इन्स्योरेन्स कम्पनी लिमिटेडको १७ करोड ८९ लाख ३२ हजार दुई सय दुई रुपैयाँ बराबरको दुई लाख ९९ हजार पाँच सय ९७ कित्ता सेयर किनबेच भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वी युक्रेनका थप दुई गाउँ कब्जामा लिएको रूसको दाबी

साई सहकारी ठगी प्रकरण: जंगम र दाहाललाई ५ दिन हिरासतमा राख्न अनुमति

रास्वपा सभापति रवि लामिछानेको सांसद पद स्वत निलम्बन, संसदमा पुग्यो चिठी