एजेन्सी- बलिउडमा शोले कालजयी फिल्म हो। आज पनि उक्त फिल्मको चर्चा उत्तिकै हुन्छ। शोलेका नायक नायिकाभन्दा चर्चित पात्र हुन् खलनायक गब्बर सिंह अर्थात् अजमद खान।
अजमदले निभाएको गब्बर सिंह पात्रको प्रशंसा आज पनि हुन्छ। फिल्मका धेरै किस्सा छन्, जसमध्ये एक अजमदको किस्सा छ। खासमा उक्त फिल्म सुटिङका क्रममा उनी सेटमै भैंसी लिएर पुगेका थिए। वास्तवमा यो किस्सा अजमदको एक आदतसँग सम्बन्धित छ। उनलाई न त रक्सीको लत थियो, न त अरु कुनै नशाको। तर एक लत थियो, चियाको।
उनी चियाका शौखिन थिए। भनिन्छ उनी दिनमा ३०-४० कप चिया पिउँथे।
घटना शोलेको सुटिङकै बेलाको हो। एकदिन उनले सेटमा चिया पाएनन्। चिया पिउन नपाएपछि उनी साह्रै रिसाए। काम गर्ने जाँगर पनि चलाएनन्। चिया नपाउनुको कारण सोधे। दूध सकिएकाले ल्याउन समय लाग्ने जवाफ उनलाई दिइयो। त्यो दिन यत्तिकै बित्यो। तर त्यसको पछिल्लो दिन अजमदले यस्तो काम गरे, जो देखेर सबै छक्क परे।
किनभने भोलिपल्ट अमजद सुटिङ सेटमा एक्लै पुगेका थिएनन्, उनको साथमा दुईवटा भैँसी पनि थिए। उनले चियाका लागि दूधको अभाव नहोस् भनेर आफूले भैंसी ल्याएर आएको जवाफ दिएका थिए। भान्सा व्यवस्थापकलाई भने, 'अरु जेसुकै होस्, चियाको अभाव चाहिँ हुनुभएन।'
उनले ती भैंसी त्यस समयमै करिब एक हजार रुपैयाँमा किनेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
