बलिउडमा चम्किएकी पाकिस्तानी अभिनेत्री

गसिप

नेपाल लाइभ शनिबार, साउन १३, २०८० १३:२५

मुम्बई– पाकिस्तानका कलाकारले पनि बलिउडमा ख्याति कमाएका छन्।

बलिउडमा मात्रै होइन केही पाकिस्तानी स्टार साउथतिर पनि छन्। एक पाकिस्तानी मोडल अभिनेत्री छिन्, जसले आफ्नो साउथ डेब्युबाटै सबैलाई चकित पारेकी थिइन्।

तस्वीरमा देखिएकी यी पाकिस्तानी अभिनेत्री एक समय आफ्नो बोल्ड कथन र लुक्सका कारण चर्चामा थिइन्। यो अभिनेत्री सानो पर्दाको रियालिटी शो बिग बोसमा पनि देखा परेकी छन्। लाइम लाइटमा बस्ने यी अभिनेत्रीले साउथ फिल्म मार्फत ठूलो पर्दामा खुबै चर्चा कमाएकी थिइन्।

उनी पाकिस्तानी अभिनेत्री वीणा मलिक हुन्। वीणा मलिक पाकिस्तानका साथै भारतीय मनोरञ्जन जगतमा पनि चर्चित नाम हो। वीणाले २०१३ कन्नड भाषाको फिल्ममा अभिनय गरेकी थिइन्।

वीणा मलिकले कन्नड भाषाको फिल्मबाट दक्षिणमा डेब्यु गरेकी थिइन्। यो साउथकी हिट अभिनेत्री सिल्क स्मिताको बायोपिक थियो र यसलाई त्रिशूलले निर्देशन गरेका थिए। फिल्ममा वीणासँगै अक्षय, साना, अनिता भट्ट, श्रीनिवास मूर्तिलगायतको अभिनय रहेको थियो।

अगस्ट २, २०१३ मा रिलिज भएको यो फिल्ममा वीणाले रातारात चर्चा पाइन्। फिल्मले मिश्रित प्रतिक्रिया पाए पनि कमाईको हिसाबले हिट साबित भयो। यस फिल्मको नाम पहिले ‘डर्टी पिक्चर’ थियो।

वीणाको यो फिल्मलाई पछि तेलुगुमा ‘रेड मिर्ची’ भनेर डब गरिएको थियो। यो फिल्मबाट वीणाले निकै चर्चा पाइन्। त्यसपछि उनले अरु केही प्रोजेक्ट पनि गरिन्। यससँगै उनी बलिउडका केही फिल्ममा पनि देखिएकी छन्।

वीणा मलिकले सन् २०१३ मा व्यापारी असद बशीर खानसँग विवाह गरेकी थिइन्। तर सम्बन्धमा दरार आएपछि २०१८ मा वीणाले सम्बन्ध विच्छेद गरिन्। वीणाका २ सन्तान छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनकपुर बोल्टसविरूद्ध अभद्र र अपमानित नारा लगाउनेमाथि कारबाही गर्न मधेसी आयोगको सिफारिस

सिरहामा एकवर्षमा मानवअधिकार उल्लङ्घनका अठासी घटना

एनपीएलमा च्याम्पियन बनेको जनकपुर बोल्ड्सको यस्तो छ यात्रा