काठमाडौं– पछिल्लो समय साउथ फिल्म उद्योगका स्टारहरू बलिउडका दर्शकहरुको पहिलो रोजाइ बनेका छन्। चाहे ‘पुष्पा’का अल्लु अर्जुन हुन् वा केजिएफका यश, आरआरआरका जसनियर एनटीआर वा सीताराममका निखिल सिद्धार्थ।
उनीहरुभन्दा अगाडि कमल हासन र रजनीकान्त पनि इन्डियाका स्टार थिए, जो अझै पनि उद्योगमा सक्रिय छन्। तर, यहाँ हामी एक साउथ स्टारको कुरा गर्दैछौं। जसको कीर्तिमान भारतीय फिल्म उद्योगका ठूला स्टारले पनि तोड्न सकेनन्।
यहाँ हामी एक वर्षमा ३ दर्जनभन्दा बढी फिल्म रिलिज गर्ने अभिनेताको कुरा गर्दैछौं। यस मामिलामा उनले अक्षय कुमार, गोविन्दा, सलमान खान, शाहरुख, कमल हसन, रजनीकान्त, चिरञ्जीवी, नागार्जुनलाई पछाडि छोडेका छन्।
मलयालम स्टार मोहनलाल विश्वनाथ अभिनेता मात्र होइनन्। एक चलचित्र निर्माता, पार्श्व गायक, चलचित्र वितरक र निर्देशक पनि हुन्। जसले मुख्य रूपमा मलयालम सिनेमामा काम गर्छन्। यद्यपि उनले तमिल, हिन्दी, तेलुगु र कन्नड भाषाका फिल्ममा पनि काम गरिसकेका छन्।
सन् २००९मा, मोहनलाल प्रादेशिक सेनामा लेफ्टिनेन्ट कर्णेलको मानार्थ पदबाट सम्मानित हुने भारतमा पहिलो अभिनेता बने। मोहनलाललाई सिएनएन न्युज१८द्वारा ‘भारतीय सिनेमाको अनुहार परिवर्तन गर्ने व्यक्तिहरू' मध्ये को रूपमा चिनिइएको थियो।
मोहनलालले सन् १९८६ मा यस्तो रेकर्ड बनाएका थिए जसलाई आजसम्म कसैले तोड्न सकेका छैनन्। रिपोर्टका अनुसार त्यो वर्ष उनका ३४ फिल्म रिलिज भएका थिए। जसमध्ये २५ फिल्म बक्स अफिसमा सुपरहिट भएका थिए।
उनले एकै वर्षमा सबैभन्दा धेरै फिल्ममा अभिनय गर्ने र सबैभन्दा हिट फिल्ममा मुख्य भूमिका निर्वाह गर्ने कीर्तिमानी बनाए र यो कीर्तिमान आज पनि कायम छ।
उनले १९७८मा फिल्म थिरानोत्तमबाट डेब्यू गरे। राम गोपाल वर्माको कम्पनीबाट बलिउडमा डेब्यू गरे र अजय देवगन र विवेक ओबेरोयलाई कडा प्रतिस्पर्धा दिए।
यो फिल्म २००२को सबैभन्दा धेरै कमाउने चलचित्रमध्ये एक थियो। जसमा मोहनलालले पुलिस आयुक्त वीरपल्लील श्रीनिवासनको भूमिका निभाएका थिए।
२०१२ मा 'कम्पनी' ले १० वर्ष पूरा गर्दा, फिल्म निर्माता राम गोपाल वर्माले अजय देवगन र विवेक ओबेरोय मोहनलालको अभिनयबाट प्रभावित भएको र अभिनेताको प्रशंसा गरेको खुलासा गरे।
साउथ सुपरस्टार मोहनलाल दशरथम, थुवान्थुम्बिकल, नादोडीकट्टु र अन्य फिल्महरूका लागि परिचित छन्। कम्पनी बाहेक, मोहनलाल अमिताभ बच्चन स्टारर राम गोपाल वर्माको ‘आग आग’ र ‘तीज’ जस्ता बलिउड फिल्महरूमा पनि देखा परेका थिए।
उनि अब फिल्म ‘जेलर’मा देखिनेछन्। जसमा उनी रजनीकान्तसँग स्क्रिन सेयर गर्दैछन्।
नेल्सनद्वारा निर्देशित, तमिल भाषाको एक्सन कमेडी फिल्म अगस्ट ११ मा रिलिज हुँदैछ। यो फिल्म सनी देओल र अमिषा पटेलको ‘गदर २’ सँग भिड्नेछ। ६३ वर्षको उमेरमा पनि मोहनलाल निकै सुन्दर देखिन्छन्। उनी चलचित्रमा मुख्य भूमिकामा देखिने गर्छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764061535.png)
-1764061146.png)
-1763721444.png)
-1763559424.jpg)
-1763559424.jpg)
