काठमाडौं– परराष्ट्रमन्त्री नारायणप्रकाश साउँदले हालसम्म बीआरआई परियोजना अन्तर्गतका कुनै पनि कार्यक्रम नेपालमा सञ्चालन नभएको बताएका छन्।
अन्तर्राष्ट्रिय सम्बन्ध र पर्यटन समितिको सोमबार बसेको बैठकमा उनले चीन सरकारसँग बीआरआईका लागि नेपालले २०१७ मा सम्झौता गरेको भए पनि त्यसपछि बीआरआई अन्तर्गत कुनै पनि योजना नेपालमा अघि नबढेको बताएका हुन्।
बैठकमा समितिका सदस्यहरुले उक्त विषयमा प्रश्न गरेपछि मन्त्री साउँदले बीआरआईअन्तर्गत हालसम्म कुनै योजना नेपालमा सुरु नभएको र कार्यान्वयनको सन्दर्भमा अहिले सरकार छलफलमा रहेको बताएका छन्।
‘बीआरआई सन् २०१७ मा नेपालले चीन सरकारसँग एमओयु गरिसकेको छ। यसपछि यसको कार्यान्वयनको सन्दर्भमा हामी थप छलफलको चरणमा छौं। यो कार्यक्रम अन्तर्गत कुनै पनि योजना नेपालमा सुरु भएको छैन,’ मन्त्री साउँदले भने।
केही समयअघि चिनियाँ राजदूतले पोखरा विमानस्थल बीआरआई परियोजना अन्तर्गतको भएको दाबी गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1709961276.jpg)
-1786602170.png)
