काठमाडौं- प्रधानमन्त्री पुष्पकमल दाहाल ‘प्रचण्ड’को राजीनामा मागेर भइरहेको संसद् अवरोधबारे तीन शीर्ष नेताहरु छलफल गर्दैछन्। प्रधानमन्त्री तथा माओवादी केन्द्रका अध्यक्ष प्रचण्ड, कांग्रेस सभापति शेरबहादुर देउवा र एमाले अध्यक्ष केपी शर्मा ओली सोमबार पनि छलफलमा जुटेका हुन्।
प्रधानमन्त्री कार्यालय सिंहदरबारमा उनीहरु भेला भएका छन्। केहीबेरमा औपचारिक छलफल सुरु हुने बताइएको छ। प्रधानमन्त्री प्रचण्डले प्रतिनिधि सभामा स्पष्टीकरण दिएपछि संसद् अवरोध खुलाउने सहमति आइतबार बसेको तीन नेताको छलफलमा भएको थियो।
एमालेले स्पष्टीकरण चित्त नबुझे अवरोध कायम राख्ने बताएपछि सहमति भाँडिएको थियो। आइतबार संसद् बैठक नै स्थगित गरिएको थियो। त्यही विषयलाई लिएर सोमबार फेरि छलफल थालिएको हो। प्रतिनिधि सभा बैठक दिउँसो ३ बजेका लागि तय गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1752043710.jpg)
-1752245592.jpg)
-1749826086.png)
