सन्नी देओल यतिबेला फिल्म ‘गदर २’ को प्रमोशनमा व्यस्त छन्। फिल्मको प्रमोशनमा उनी तारा सिंहको गेटअपमा जाँदैछन्। हालै सन्नी देओल 'द कपिल शर्मा शो' मा 'सकीना' अर्थात् अमिषा पटेलसँग पुगेका थिए।
शोमा कपिल शर्माले अमरीश पुरीसँग सम्बन्धित एउटा हास्यास्पद किस्सा सुनाए। निर्माताले यो एपिसोडको प्रोमो पनि सार्वजनिक गरेका छन्।
प्रोमोमा कपिल शर्माले सनी देओललाई भनेका छन्, ‘केही दिनदेखि हामीले पा जी जहाँ जाँदैछन्, तारा सिंहको गेटअपमा जाँदैछन् भन्ने देखिरहेका छौँ। त्यसैले अर्चनाजीले सोध्दै हुनुहुन्थ्यो कि आज आफ्नो गाडीमा आउनुभएको हो कि ट्रक चलाएर आउनुभएको हो?' सनी देओल अर्थात तारा सिंह ‘गदर’ मा ट्रक चालक थिए। फिल्मको पहिलो भागमा उनी सकिनालाई पाकिस्तान छोड्न ट्रकमा जाँदै थिए।
कपिलको प्रश्नमा सन्नी देओलले रमाइलो जवाफ दिए। उनले भने, 'मैले उनलाई (अर्चना पूरन सिंहलाई) पनि पछि लैजानुपर्छ भन्ने सोचेको थिएँ, त्यसैले ट्रक ठिक हुन्छ।’
यो सुनेर सबै ठुलो स्वरले हाँस्न थाल्छन्। यसैबीच कपिल शर्माले अमरीश पुरीसँग सम्बन्धित एउटा किस्सा सुनाए। जब अमरीश पुरी 'गदर: एक प्रेम कथा' को सेटमा थिए, कपिलले पछाडिबाट उनको काँधमा हात राखे। यो देखेर अमरीश पुरी फर्किए र ठूलो स्वरमा सोधे, ‘को हो भाइ?’
कपिलले अमरीश पुरीको नक्कल गर्दै यो कथा सुनाए र त्यसबेला आफू डराएको बताए।
कपिलले भने, ‘अमिषा, अमृतसरमा सुटिङ गर्दा तपाईं र अमरीश पुरी सर उभिरहेको हुनुहुन्थ्यो। मैले अमरीश पुरी सरको काँधमा हल्का ट्याप गरेँ, उहाँले को हो भाइ भन्नुभयो। मैले हात जोडेँ।’
अमरीश पुरीले 'गदर: एक प्रेम कथा' मा सकिना अर्थात् अमिषा पटेलका बुबा अशरफ अलीको भूमिका निभाएका थिए। तर अहिले उनी यो संसारमा छैनन्। सन् २००५ मा उनको निधन भयो।
‘गदर २’अगस्ट ११ मा हलमा रिलिज हुँदैछ। फिल्ममा सनी देओल र अमिषा पटेलको साथमा सिमरत कौर, मनिष वाधवा र उत्कर्ष शर्माको अभिनय छ। ‘गदर २’ मा मनिष वाधवा खलनायक बनेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1734842851.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1734781523.png)
