धनगढी– सुदूरपश्चिम प्रदेश सभाको बैठक (आज) सोमबार बस्ने भएको छ। सोमबारको बैठकले शोक प्रस्ताव पारित गर्ने कार्यसूची रहेको छ।
प्रदेश सरकारले ल्याएको बजेटमाथिको छलफल भने मंगलबारदेखि मात्रै सुरु हुने प्रदेश सभा सचिवालयले जानकारी दिएको छ।
असार १ गते आर्थिक मामिला मन्त्री नरेशकुमार शाहीले प्रदेश सभामा प्रस्तुत गरेको बजेटमाथि छलफल सुरु नै भएको छैन।
साउन १ गतेभित्र बजेट पारित गरिसक्नु पर्ने कानुनी प्रावधानअनुसार बजेटमाथिको छलफल मंगलबारदेखि हुन लागेको हो।
सोमबार विहान बसेको कार्य परामर्श समितिको बैठकले मंगलबारको बैठकबाट शोक प्रस्ताव पारित गर्ने निर्णय गरेको हो। प्रदेशका सभामुख भीमबहादुर भण्डारीले भने, ‘कार्य परामर्श समितिको बैठकले आज (सोमबार) बस्ने प्रदेश सभा बैठकमा आन्तरिक मामिला तथा कानुनमन्त्री पृथ्वीबहादुर सिंहको निधनमा शोक प्रस्ताव पेस गरी पारित गर्ने कार्यसूची तय भएको छ। भोलि (मंगलबार) देखि बजेटमाथिको छलफल अघि बढ्ने छ।’
सत्तापक्ष र प्रतिपक्षी दलले सरकारले ल्याएको वार्षिक कार्यक्रम (रातो किताव)प्रति असन्तुष्टि व्यक्त गर्नु, प्रदेश सभा सदस्यहरु प्रदेश बाहिर रहनु र सरकारले तयारी अघि नबढाउँदा बजेटमाथिको छलफल ढिला गरि अघि बढ्न लागेको प्रदेशका सभामुख भीमबहादुर भण्डारीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773837959.png)
