काठमाडौं– नेपालको चर्चित सिंगिङ रियालिटी शो नेपाल आइडलमा नेपाली युवाहरू आकर्षित भएका छन्।
प्रतिष्पर्धामा सहभागी हुनका लागि विदेशमा बस्ने नेपाली समेतले चासो देखाएको कार्यक्रम निर्देशक सुरेश पौडेलले बताए। संगीतमा रुचि भएका नेपाली युवाहरूका लागि नेपाल आइडलले राम्रो अवसरको सिर्जना गरेको उनले दाबी गरे। नेपाल आइडलको पहिलो सिजनमा १५ हजार नेपालीले प्रतिस्पर्धीका रुपमा सहभागिता जनाएका थिए।
दोस्रो सिजनको अडिसन राउण्डमा २० हजार जनाले प्रतिस्पर्धीका रुपमा सहभागिता जनाएका थिए। सहभागी मध्येबाट १ सय ११ जना थिएटर राउण्डकाे लागि छनाेट भएका छन्। दोस्रो सिजनको अडिसन राउण्ड धरान, हेटौंडा, वीरगंज, भैरहवा, धनगढी, पोखरा र काठमाडाैंमा भएको थियो।
नेपाल आइडलको दोस्रो सिजनमा बिजेता बन्नेले होन्डाको डब्लुआरभी गाडी सहित २२ लाख रुपैयाँ नगद, एक एल्बम र विश्व टुरको अवसर पाउने निर्देशक पौडलले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
