चर्चित फिल्म निर्माता विधु विनोद चोपडाले फिल्म ‘परिणीता’ बनाउने योजना बनाएका थिए। फिल्म महान साहित्यकार शरतचन्द्र चट्टोपाध्यायको उपन्यास ‘परिणीता’ मा आधारित थियो। फिल्मलाई प्रदीप सरकारले निर्देशन गरेका थिए।
चलचित्रमा शान्तनु मोइत्राको संगीत र स्वानन्द किरकिरेको शब्द रहेको छ।
विधु विनोद चोपडाका लागि सबैभन्दा ठूलो चुनौती ‘परिणीता’का लागि सुपरस्टार नभई परिणीताजस्तै देखिने अभिनेत्रीलाई कास्ट गर्नु थियो। खोज सुरु भयो। धेरै स्थापित अभिनेत्रीहरूले प्रयास गरे, अडिसन दिए तर काम सफल भएन।
विद्या बालन नामकी एक अभिनेत्रीले पनि प्रयास गरेकी थिइन् तर सफल भइनन्। विद्या हरेक दिन निर्देशक प्रदीप सरकारको अफिस पुग्थिन्, दिनहुँ अडिसन हुन्थ्यो, दिनहुँ रिजेक्ट हुन्थ्यो। विद्या बालनलाई करिब ७५ पटक अस्वीकार गरिएको थियो।
एक दिन विद्या बालनले ब्रायन एडम्सको कन्सर्टमा जानुपर्ने थियो। विद्या फिल्म ‘परिणीता’लाई लिएर निराश थिइन्। उनले अन्तिम पटक प्रयास गरिन्। प्रदिपले सरकारले परीक्षा दिएर कन्सर्टतिर लागे।
विधु विनोद चोपडा आएपछि प्रदीप सरकारले उनलाई विद्या बालनको भिडियो फुटेज देखाए, यसपटक विधु विनोद चोपडा प्रभावित भए र उनले भने, ‘यस्तै हो, यही हो परिणीता’।
प्रदीप सरकारले विद्यालाई बोलाए तर कन्सर्टको कोलाहलमा बोल्न सकेनन्, त्यसपछि स्वानन्द किरकिरेले विद्यालाई म्यासेज गरे– ‘परिणीता’का लागि विद्या छनोट भइन्।
मेसेज पढेपछि विद्या भुइँमा बसेर रुन थालिन्। ७५ पटक अस्वीकृत हुनु ठूलो कुरा हो।
यति धेरै अस्वीकृति लाई सम्हाल्न हिम्मत र बल चाहिन्छ। तर विद्याले अस्वीकृतिको सामना मात्रै गरिनन्, आफ्नो हिम्मत पनि कायम राखिन्, जसका कारण विद्या आज बलिउडकी सबैभन्दा प्रभावशाली अभिनेत्रीमध्ये एक मानिन्छिन्।
आउटलुक हिन्दीबाट नेपालीमा भावानुवाद
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1734842851.jpg)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1734781523.png)
