विराटनगर- झापा, मोरङ्ग लगायत प्रदेश १ का विभिन्न जिल्लामा वन तथा नदिजन्य पैदावारको चोरी तथा अवैध निकासी बढेको छ।
नियमनकारी निकायको वेवास्ता तथा दोषीलाई उचित कारबाही नहुँदा चोरी निकासीको क्रम एक पछि अर्को गरी दोहोरिने गरेका छन्। फाट्टफुट्ट रूपमा संलग्न व्यक्तिहरूलाई प्रहरीले पक्राउ गर्ने गरेको भएपनि चोरी निकासी नियन्त्रणका हुने गरी हालसम्म ठोस काम हुन नसकेको स्थानीयहरू बताउँछन्।
पछिल्लो पटक मंगलबार मात्रै झापाको मेचीनगर नगरपालिका–८ स्थित दोकान डाँडाबाट प्रहरीले विभिन्न जातको करीब १ सय क्युुबिक फिट काठ लोड गरेको मे १ त ५२६७ नम्बरको ट्याक्टरसहित २ जनालाई नियन्त्रणमा लिएको छ।
ट्याक्टरमा सखुवाको काठ ६३ क्युबिक फिट र सिमल तथा कदमका गोलिया काठ बरामद भएको प्रहरीले जनाएको छ। पक्राउ परेका मेचीनगर नगरपालिका १ का ३२ वर्षीय दिनेश सार्की र ट्याक्टर चालक २४ वर्षीय दीपु परियारलाई कारबाहीका लागि मेची सव–डिभिजन वन कार्यालयमा वुझाईएको ईलाका प्रहरी कार्यालय काकडभिट्टाले जानकारी दिउको छ।
यसअघि आईतबार पनि झापाको बुद्धशान्ति गाउँपालिका १ स्थित होक्सेबाट प्रहरीले अवैध रुपमा निकासी हुँदै गरेको सखुवाको काठसहित मे १ त ८६५ नम्बरको ट्याक्टर नियन्त्रणमा लिएको थियो।
जिल्ला प्रहरी कार्यालय झापा र ईलाका प्रहरी कार्यालय बुधबारेबाट खटिएको गस्ती टोलीले होक्सेस्थित खानेपानी ट्यांकी नजिकै सखुवाको चिरान, लकडी, बाकल र मुढा नियन्त्रमा लिएको थियो। काठधनी तथा ट्याक्टर चालक फरार रहेकाले खाजी भइरहेको इलाका प्रहरी कार्यालय बुधबारेले जनाएको छ।
नदिजन्य पैदावारमा पनि उस्तै
झापा, मोरङ्ग तथा सुनसरीका विभिन्न खोलाबाट नदिजन्य पैदावार निकासीको क्रम पनि बढेको छ। प्रहरीले पटक–पटक ट्याक्टर, टिपर तथा लोडरसहित पैदावर चोरी निकासीमा संलग्नलाई पक्राउ गर्दै आएपनि नियन्त्रण हुन नसकेको स्थानीयहरू बताउँछन्।
यसैगरी नदी पैदावार चोरीमा संलग्न हुँदै गरेको अवस्थामा मोरङको सुन्दरहरँैचा नगरपालिका वडा नम्बर ५ स्थित गछिया खोला र केराबारी गाउँपालिका २ स्थित खदम खोलाबाट प्रहरीले २ वटा ट्याक्टर नियन्त्रणमा लिएको छ।
अवैध रूपमा नदि उत्खनन गरी बालुवा ओसारपसार गरिरहेको अवस्थामा को १ त ५४२३े र को १ त ८१२० नम्बरको ट्याक्टर नियन्त्रणमा लिइएको प्रहरी चौकी गछियाले जनाएको छ। ट्याक्टर चालक भने फरार छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
