रवि लामिछाने (फाइल तस्बिर)
काठमाडौं– राष्ट्रिय स्वतन्त्र पार्टीका सभापति रवि लामिछानेले लोकतन्त्र सत्तापक्ष र प्रतिपक्षको नभएर नेपाली जनताको रहेको बताएका छन्।
प्रतिनिधि सभाको मंगलबारको बैठकमा बोल्दै लामिछानेले उक्त कुरा बताएका हुन्। लामिछानेले जिल्ला निर्वाचन कार्यालय खारेज गर्ने सरकारको घोषणाको विरोध गरे।
निर्वाचनको निष्पक्षतालाई संसारले हेर्ने हुँदा उक्त कार्यलय जिल्ला प्रशासन कार्यलयभित्र राख्ने सरकारको निर्णय असान्दर्भिक भएको बताए। उनले सरकार सो विषयबाट पछि हट्नुपर्ने माग गरे।
‘लोकतन्त्र सत्तापक्ष र प्रतिपक्षको होइन नेपाली जनताको हो। नेपाली जनताले रगत, पसिना बगाएर ल्याएका हुन्। यसकारण लोकतन्त्रमा आक्रमण हुने यस्ता किसिमका क्रियाकलापका लागि अर्थमन्त्रीले फिर्ता लिने प्रतिबद्धता रास्वपाले चाहन्छ,’ लामिछानेले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
