काठमाडौं- प्रधानमन्त्री पुष्पकमल दाहाल प्रचण्डले पाँच वर्ष गठबन्धन केही नहुने बताएका छन्। आफूले गठबन्धन र प्रतिपक्षी दलसँग गरेको छलफलको आधारमा त्यसो भनेको उनको दाबी छ।
‘अहिले कताकता यो सरकारको आयु कति? भन्ने पनि मिडियामा हुने नहुने तपाईंहरुले हेर्नुभएको होला। सुन्नुभएको होला। मैले प्रधानमन्त्रीको हैसियतमा र मेरो लगातार गठबन्धनसँग भएका बैठकहरु, र प्रतिपक्षीसँग पनि भएका बैठकहरुका आधारमा म के भन्न सक्छु भने, पाँच वर्ष यो गठबन्धन केही हुनेवाला छैन। हेर्नुहोला’, उनले भने।
सोमबार धादिङको गजुरीमा आयोजित कार्यक्रममा प्रधानमन्त्री प्रचण्डले देश विकासको नयाँ युगतिर जाने बताए।
उनले भारत भ्रमणका क्रममा भारतीय प्रधानमन्त्री प्रधानमन्त्री नरेन्द्र मोदीले सीमा समस्या हल गर्नेबारे गरेको प्रतिबद्धता र अन्य थुप्रै विकास परियोजनाहरु महत्त्वपूर्ण भएको बताए। आफूलाई भारत भ्रमणका विषयमा गर्व रहेको उनको भनाइ छ।
‘मानिसहरुले यो धेरै राम्रो भएको नरुचाउने, आजभोलि नेपालमा एउटा नकारात्मक मानसिकता हरेक कुरामा नेगेटिभ हेर्ने, पोजिटिभ हेर्नै नसक्ने त्यो प्रवृत्ति पनि देखिएको छ। मैले त्यसलाई भन्दा पनि आफ्नो ठाउँबाट आफूले राम्रो गर्दै जाने, जनताले त एकदिन फैसला गर्ने नै छन्। राम्रो गर्नेको पक्षमा जनमत बन्ने नै छ ढिलोछिटो भन्ने विश्वासका साथ म अगाडि बढेको छु’, उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786801196.jpg)
-1786602170.png)
