के उद्देश्यले नेकपा विभाजन भयो? यसको यथार्थ विश्लेषण हुनुपर्छ : केपी ओली

राजनीति

नेपाल लाइभ आइतबार, असार १०, २०८० १६:४६

काठमाडौं– नेकपा एमालेका अध्यक्ष केपी शर्मा ओलीले नेकपा विभाजनको यथार्थ विश्लेषण गर्नुपर्ने बताएका छन्। आइतबार केशवप्रसाद बडालद्वारा लिखित पुस्तक सिंहावलोकनको लोकर्पण गर्दै उनले यस्तो बताएका हुन्।

उनले नेकपा विभजन भयो भनेर मात्रै अब चित्त नबुझ्ने भन्दै विभाजनका कारणहरुको यथार्थ विश्लेषण गर्ने हो भने भविष्यलाई राम्रो हुने बताए।

पार्टी किन विभाजनसम्म पुग्यो? कस्तो पृष्ठभूमिबाट विभाजनसम्म पुग्यो? भन्नेकुराको यथार्थ नागरिकले थाहा पाउनुपर्ने आवश्यकता रहेको ओलीको भनाइ छ। उनले नेकपा विभाजन हुनुको कारण स्वचालित थियो वा परिचालित के थियो? त्यसको पनि विश्लेषण जरुरी रहेको बताए।

उनले भने, ‘अढाई वर्षअघि हाम्रो पार्टी विभाजन भयो, त्यो विभाजन यसले यसो भन्यो, यसो भन्यो भनेर मात्रै हुँदैन। त्यसका पछाडिका कारणहरु के थिए। उद्देश्यहरु के थिए। किन विभाजन भयो? किन गरियो? कस्तो पृष्ठभूमिबाट त्यो विभाजनसम्म पुग्यो? यी कुराहरु अलिकति आउनुपर्छ। विभाजन भयो भन्ने मात्रै कुराभन्दा अलि त्यसलाई किन र कसरी? केका लागि विभाजन भयो? के उद्देश्य थियो? त्यसमा आन्तरिक कारण कति थियो? बाह्य कारण कति थियो? स्वचालित कति थियो? परिचालित कति थियो? रिमोट कन्ट्रोल कति थियो, त्यहीँबाट बटन घुमाउने कति थियो? यो सबै कुराको हामीले यथार्थ विश्लेषण आन्दोलनको हीतका लागि गर्‍यौं भने त्यसले भविष्यलाई राम्रो हुन्छ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गायिका मङ्गेशकरको स्वर रहेको ‘बाचुन्जेलीलाई’ सार्वजनिक

राष्ट्रसङ्घीय मानवअधिकार परिषद्बाट इजरायल अलग

‘फेरि रेशम फिलिली’ टिजरमा अमेरिका मोहको कथा