काठमाडौं– विश्वभरीका युवाहरुको संगठन वान योङ्ग वर्ल्डले हरेक वर्ष गर्ने पोलिटिसियन अफ द इअर अवार्डको सर्टलिस्टमा नेपालकी सांसद सोविता गौतम पनि परेकी छिन्।
उक्त संस्थाले विश्वभरीका १५ युवा राजनीतिज्ञको सूची सार्वजनिक गरेको छ। राजनीतिक क्षेत्रमा उनीहरुको प्रभावलाई लिएर छनोट गरिएको बताइएको छ।
१८ देखि ३५ वर्षभित्रको उमेर समूहका युवा राजनीतिज्ञबाट १५ जनालाई सर्टलिस्ट गर्दै अन्तिममा ५ जनालाई अवार्ड दिने गरिएको छ।
विज्ञहरुको समूहले ती १५ जना मनोनितहरुबाट ५ जना छान्ने बताइएको छ।
सोविताले राजनीतिमा युवाहरुको संलग्नतालाई प्रोत्साहन दिँदै नीति निर्माताका रुपमा प्रतिनिधि सभामा खेलेको भूमिकालाई लिएर छनोट गरिएको आयोजकले जनाएको छ।
आगामी जुलाइमा 'योङ वर्ल्ड समिट बेलफास्ट २०२३' मा विजेता घोषणा गरिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769224076.png)
-1764146706.png)
