काठमाडौं– प्रधानमन्त्री पुष्पकमल दाहाल ‘प्रचण्ड’ले मधेस प्रदेशका लागि कम बजेट विनियोजन भएको भन्ने कुरा सही नभएको बताएका छन्। संसद्मा जारी प्रश्नोत्तरमा सांसद अजय चौरासियाले राखेको प्रश्नको उत्तर दिँदै प्रधानमन्त्रीले यस्तो बताएका हुन्।
उनले भने, ‘मधेस प्रदेशमा कम बजेट विनियोजन भयो भन्ने साँचो होइन। प्रदेश र स्थानीय तहमा हस्तान्तरण हुने रकमको १५ प्रतिशत रकम विनियोजन हुने गरेको छ।’
चौरासियाले ७० प्रतिशत राजस्व वीरगञ्ज भन्सारबाट उठ्ने, तर कम बजेट किन? भन्दै प्रश्न गरेका थिए।
प्रचण्डले विभिन्न सिँचाइ आयोजना, औद्योगिक क्षेत्र विकास, तराई-मधेस समृद्धि कार्यक्रम, मधेसलाई काठमाडौं जोड्ने द्रूतमार्ग लगायतमा बजेट छुट्याइएको बताएका छन्।
उनले पर्साको वीरगञ्ज सरकारको प्राथमिकतामा रहेको बताएका छन्। नारायणी अस्पताल, खेल मैदान र अन्य क्षेत्रमा बजेट विनियोजन भएको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
