काठमाडौं- नेकपा एमालेका अध्यक्ष केपी शर्मा ओलीले दिमागका अहंकार पस्यो भने मान्छेलाई दुष्टात्मा बनाउने बताएका छन्।
अन्तर्राष्ट्रिय योग दिवसको अवसरमा आयोजित प्रवचन कार्यक्रममा सम्बोधन गर्दै उनले मान्छे पवित्र आत्मा भएको बताए।
‘मैले प्राय भन्ने गर्छु, यदि मान्छेको दिमागमा अहंकार पस्यो भने, अहंकार दिमागमा पसेपछि त्यो भित्र पस्छ, ढोका लगाउँछ, भित्रबाट चुकुल लगाउँछ, साँचो पनि लगाउँछ। अरु केही, ज्ञान, गुन, आचरण, शील केही पनि प्रवेश नै गर्न पाउँदैन। घमण्डले अरु चिज प्रवेश नै गर्न दिँदैन। दिमागमा घमण्ड मात्रै हुन्छ। घमण्डी दिमागले प्रगति गर्न सक्दैन। नामै अहं…कार। त्यसले मान्छेलाई मान्छे बन्नै दिँदैन। त्यसले मान्छेलाई दुष्टात्मा बनाउँछ। मान्छे दुष्टात्मा होइन, परम पवित्र आत्मा हो’, उनले भने।
ओलीले जीवनका लागि योग बनाउनुपर्ने बताए। ‘स्वास्थ्यका लागि योग बनाऔं। समाजका लागि योग बनाऔं। योग अभ्यास गरौं। योगका सिद्धान्त र दर्शनलाई अभ्यास गरौं। योगको व्यवहारिक पक्षलाई पनि अभ्यास गरौं। योगमय नेपाल बनाऔं’, उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
