विराटनगर- मुलुकभरी नै बलात्कारका घटना सार्वजनिक भइरहेका बेला मोरङ्गमा ७० वर्षीया वृद्धा र १३ वर्षीया बालिकामाथि बलात्कार गरेको आरोपमा दुई जना पक्राउ गरेको छ।
बेलबारी ५ घर भई मोरङको रंगेली नगरपालिका वार्ड नं. २ जलियाटोल स्थित छोरीको घर आएकी वृद्धालाई नातामा सम्धी पर्ने ६० वर्षीय सुन्दरलाल झागडले बलात्कार गरेको इलाका प्रहरी कार्यालय रंगेलीले जानकारी दिएको छ। झागडलाई प्रहरीले पक्राउ गरेको छ।
मदिरा सेवन गरी झागडले बलात्कार गरेको प्रहरी निरीक्षक कवीन्द्र कार्कीले बताए।
घटनापछि वृद्धाले प्रहरीमा उजुरी दर्ता गराएकी छिन्। छोरीको घरमै भान्सा कोठामा बलात्कार गरेको उनको उजुरीमा उल्लेख छ।
यसैगरी, मोरङको धनपालथान गाउँपालिका ४ का १९ वर्षीय महेश चौधरीलाई १३ वर्षिया बालिकामाथि बलात्कार गरेको आरोपमा प्रहरीले पक्राउ गरेको छ।
बालिकालाई ललाई–फकाई गरी स्थानीय एक निजी विद्यालयको एकान्त कुनामा लगेर चौधरीले बलात्कार गरेको निरीक्षक कार्कीले बताए।
दुबै घटनाका पीडितको स्वास्थ्य चेकजाँचपछि अदालतवाट म्याद थप गराएर आवश्यक कारबाही प्रक्रिया सुरु गरिएको कार्कीले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790151426.jpg)
-1786602170.png)
-1789631269.jpg)
