काठमाडौं- नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल प्रचण्डले परिवर्तनबाट प्राप्त उपलब्धि उल्ट्याउन खोज्नेहरुका विरुद्ध समाजवादी मोर्चा, नेपाल युद्धको घोषणा भएको बताएका छन्।
कोही पनि प्रगतिशील र वामपन्थी पक्षधर यो मोर्चाबाट डराउनुपर्ने अवस्था नरहेको उल्लेख गर्दै यस्तो बताएका हुन्।
उनले भने, ‘हामी परिवर्तनका पक्षधरले ७०-७५ वर्षदेखि विभिन्न संघर्ष गरेर वर्तमान व्यवस्था ल्याएका हौं। त्यस्तो अवस्थाबाट गुज्रेकालाई बदनाम गर्ने र अपमान गर्न खोज्ने अराजकताले टाउको उठाउन खोजेकै छ। हजारौं सहिद र बेपत्ता योद्धाका कारण आएको परिवर्तनलाई अपमानित गर्न केहीले टाउको उठाउन खोजेका छन्। तिनकाविरुद्ध युद्धको घोषणा पक्कै हो, सबैसँग बराबरीवाला मोर्चा होइन।’
जेलनेल र यातनाको कीर्तिमान कायम गरेर प्राप्त गरेको उपलब्धि खोसेर हिजोकै अवस्था फर्काउनेका लागि चुनौती रहेको उनको भनाइ थियो। जनताको बलिदानबाट प्राप्त उल्ट्याउन खोजिएको बताउँदै त्यो सह्य नभएको समेत बताए।
अहिले पनि निरंकुश शासन व्यवस्थाको फोहोरको डंगुर सोहोर्नुपर्ने बाध्यता रहेको बताउँदै तिनकाविरुद्ध पक्कै समाजवादी मोर्चा, नेपाल बनाइएको उनले दोहोर्याए। जनताको पक्षमा रहेका प्रगतिशील र वामपन्थीहरुको एकता अभियानसमेत मोर्चा रहेको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779363027.jpg)
-1764146706.png)
