गाईघाट– उदयपुरको कटारी नगरपालिका वडा नम्बर ८ बेतिनीस्थित कटारी–घुर्मी सडक खण्डमा आईतवार राती टिपर दुर्घटना हुँदा १ जनाको मृत्यु भएको छ। कटारीबाट सिमेन्ट लिएर घुर्मी जाँदै गरेको बा २ क ८९५९ नम्बरको टिपर राती १२ बजे बेतिनीमा पुगेपछि अनियन्त्रित भई सडकबाट १ सय मिटर तल खसेको थियो ।
दुर्घटनामा सल्यानको छायाँक्षेत्र गाउँपालिका ७ का ३८ वर्षीय मणीराम थापाको मृत्यु भएको ईलाका प्रहरी कार्यालय कटारीले जानकारी दिएको छ। मृतक थापाको शव पोष्टमार्टमका लागि जिल्ला अस्पताल उदयपुरमा राखिएको छ।
उता पूर्व पश्चिम राजमार्गमा अन्तर्गत झापाको शिवसतासी नगरपालिका वडा नम्बर ११ मा सोमबार बिहान ३ बजे जीप दुर्घटना हुँदा १ जनाको मृत्यु भएको छ। मे १ च ४५३३ नम्बरको जीप दुर्घटनमा ४ जना घाईते भएका छन्।
उक्त दुर्घटनामा उदयपुरको गाईघाट निवासी २९ वर्षीय संजिव कार्कीको मृत्यु भएको प्रहरीले जनाएको छ। पूर्वतर्फ जाँदै गरेको स्कारपियो जीप आफै अनियन्त्रित भई दुर्घटना भएको ईलाका प्रहरी कार्यालय झिलझिलेले जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
