काठमाडौं– काठमाडौं महानगरपालिकाका मेयर बालेन्द्र शाह(बालेन)ले गृहमन्त्री नारायणकाजी श्रेष्ठलाई कानुनी राज्यबारे प्रश्न गरेका छन्। उनले अवैध संरचनाको संरक्षण गरिरहेको आरोप लगाउँदै कसरी कानुनी राज्यको अनुभूति दिलाउन सक्नुहुन्छ भन्दै प्रश्न गरेका छन्।
सामाजिक सञ्जालमा उनले आफूले महानगरको सम्पत्ति जोगाउन गथालेको अभियानमा गृहमन्त्रीले सहयोग नगरेको बताएका छन्। उनले कानुनले कसैमाथि अन्याय गरिरहेको भए तत्काल कानुन परिवर्तन गर्नु पर्ने वा कानुन अनुसारको शासन व्यवस्था अंगाल्न गृहमन्त्रीलाई सुझाव दिएका छन्।
२०७६ साउन २० गते सर्वोच्च अदालतले बामगती, विष्णुमति, मनोहरा र यीनका सहायक नदीहरुको जग्गा अतिक्रमण गरेर बनाइएका घरटहरा तथा संरचनाहरु भत्काएर नदीको स्वच्छता कायम गराउन तथा सार्वजनिक जग्गाको संरक्षण गर्ने आदेश दिएको स्मरण गराउँदै शाहले गृहमन्त्रीलाई उक्त प्रश्न सोधेका हुन्।
उनले भनेका छन्, ‘आज फेरि उच्च अदालतले बागमती सभ्यताकोविरुद्ध बस्ती नहटाउन परेको रिटमा अन्तरिम आदेश जारी नभएको अवस्था छ। यदि कुनै कानुनले कसैमाथि अन्याय गरिरहेको छ भने तत्काल कानुन परिवर्तन गर्न सार्वजनिक अपील गरेर प्रक्रिया सुरु गर्नुहोस्, या कानुन बमोजिमको शासन व्यवस्था अंगाल्नुहोस्।’
उनले अघि भनेका छन्, ‘योतर्फ कुनै पनि कदम नचाली वैधानिक रुपमा नै यति भOसक्दा पनि कुन कानुन र नैतिकताका आधारमा यस्ता अवैध संरचना संरक्षण गर्नुहुन्छ गृहमन्त्री ज्यु? कसरी कानुनीराज्यको अनुभुती दिलाउनु हुन्छ गृहमन्त्री ज्यु?’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
