काठमाडौं– नेकपा एकीकृत समाजवादीकी नेतृ रामकुमारी झाँक्रीले गत निर्वाचनमा भएको आफ्नो खर्च विवरण सार्वजनिक गरेकी छिन्।
निर्वाचन कार्यालयमा उनले बुझाएको खर्च विवरण अनुसार गत मंसिर ४ मा सम्पन्न प्रतिनिधि सभा सदस्यका लागि २६ लाख रुपैयाँ खर्च भएको उल्लेख छ।
जसमा उनले मतदाता नामावली खरिद प्रिन्ट तथा फोटोकपीमा ५० हजार खर्च भएको उल्लेख गरेकी छन्। उनले सबैभन्दा सवारी साधन तथा इन्धनमा बढी खर्च देखाएकी छन्।
सवारी साधन र इन्धनमा उनको ७ लाख १५ हजार रुपैयाँ खर्च भएको छ। यस्तै प्रचार प्रसार सामग्रीमा ४ लाख ४० हजार, प्रचारप्रसार सामग्री ढुवानीमा १ लाख २५ हजार, गोष्ठी तथा अन्तरक्रियामा ६ लाख ५० हजार, अन्य प्रचारप्रसारमा ७० हजार, छापा तथा विद्युतिय माध्यममा १ लाख २० हजार र कार्यालय सञ्चालन तथा प्रतिनिधि परिचालनमा ४ लाख २० हजारसहित २६ लाख रुपैयाँ खर्च भएको विवरण उनले बुझाएकी छिन्।
गत निर्वाचनमा उनी गुल्मी निर्वाचन क्षेत्र नम्बर २ बाट सत्ता गठबन्धनका तर्फबाट प्रतिनिधि सभा सदस्यका लागि उम्मेदवार बनेकी थिइन्। तर उनी त्यहाँ पराजित भएकी थिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778914053.png)
-1764146706.png)
-1775812183.jpg)
-1779545841.jpg)
