काठमाडौं– प्रतिनिधि सभाको उपनिर्वाचनअन्तर्गत चितवन क्षेत्र नम्बर २ का सबै मतदान केन्द्रबाट मतपेटिकाहरु संकलन भइसकेको छ। मतपेटिकाहरु मतगणनास्थलमा पुर्याइ सकिएको र अब मतगणनाको सम्बन्धमा निर्णय गर्न सर्वदलीय बैठक बोलाइएको छ।
भरतपुर महानगरसहित अन्य सबै नगर र गाउँपालिकाबाट मतपेटिकाहरु मतगणनास्थलमा लयाइएको मुख्य निर्वाचन कार्यालयले जनाएको छ। भररतपुरस्थित दूरसञ्चार रोडमा रहेको चितवन उद्योग संघको प्रदर्शनी केन्द्रमा मतगणनास्थल बनाइको छ।
राति ९ बजेभित्र चितवन-२ का सबै ४३ मतदानस्थलका १३८ मतदान केन्द्रका मतपेटिकाहरू भरतपुर गणना स्थलमा ल्याउने काम सकिएको र केही बेरमा सर्वदलीय वैठक बस्ने तयारी भइरहेको निर्वाचन कार्यलयले जनाएको छ।
कुल १ लाख २४ हजार ६९५ मतदाता रहेको चितवन २ मा ६१ प्रतिशत मत खसेको छ। मंसिर ४ को निर्वाचनमा ८४ हजारभन्दा बढी मत खसेको थियो । उक्त क्षेत्रमा रास्वपाका रवि लामिछाने, नेपाली कांग्रेसबाट जितनारायण श्रेष्ठ र एमालेबाट रामप्रसाद न्यौपाने प्रतिस्पर्धामा छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
