चितवन २ को मतगणनास्थल
काठमाडौं– चितवन–२ मा मतदान सम्पन्न भएपछि मुख्य निर्वाचन अधिकृतको कार्यालयले मतगणनाको सम्पूर्ण तयारी पुरा गरेको छ।
मुख्य निर्वाचन अधिकृतको कार्यालयका अनुसार चितवन २ को मतगणना उद्योग संघको प्रदर्शनी केन्द्रमा हुने छ। मतगणनाका लागि आवश्यक सबै तयारी भइसकेको मुख्य निर्वाचन अधिकृतको कार्यालयले जनाएको छ।
कार्यालयका अनुसार मतगणनास्थलमा तारजाली र सीसीटीभी जडान पनि गरिएको छ। निर्वाचन आयोगले मंगलबारसम्म नजिता सार्वजनिक गर्ने लक्ष्य लिएकोले निर्वाचन कार्यालयले पनि त्यही अनुसारको तयारी गरेको छ।
मतगणना आज (आइतबार) रातिदेखि नै सुरु गर्ने तयारीमा निर्वाचन कार्यालय रहेको सहायक मतदान अधिकृत ईश्वर आचार्यले बताए। राति ९ बजेसम्म मतपेटिका संकलन गरिने र त्यसपछि सर्वदलीय बैठक बसेर मतगणना सुरु हुने उनले बताए।
चितवनमा समयमा ६१ प्रतिशत मत खसेको छ। सहायक मतदान अधिकृत आचार्यले यो प्रारम्भिक तथ्याङ्क भएको बताए। मंसिर ४ गतेको निर्वाचनभन्दा भने यस पटक कम मत खसेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
