बारा–२ का लागि उपेन्द्र यादव एक मात्र योग्य उम्मेदवार– मनिष सुमन

राजनीति

नेपाल लाइभ शनिबार, चैत २५, २०७९ १२:३३

बारा– जनता समाजवादी पार्टी, नेपालका प्रवक्ता मनिष सुमनले बारा–२ का लागि एक मात्र योग्य उम्मेदवार उपेन्द्र यादव भएको दाबी गरेका छन्। पार्टी कार्यालयमा सञ्चारकर्मीसँग बारा–२ का उम्मेदवारबारे आफ्नो धारणा राख्दै उनले यस्तो दाबी गरेका हुन्।

उपेन्द्र यादव राष्ट्रिय र अन्तर्राष्ट्रिय राजनीतिमा प्रभाव पार्न सक्ने र निर्णायक भूमिका निर्वाह गर्न सक्ने नेता भएको सुमनले बताए।

‘उपेन्द्र यादव राजनीतिले खारिएका, विचार र दृष्टिकोणले परिपक्व एवम् अनुभवी नेता हो’, सुमनले भने। मधेस र मधेसी जनतालाई कसैले राम्ररी बुझेको छ, जानेको छ भने त्यो उपेन्द्र यादव नै भएको उनको दाबी छ। ‘त्यत्तिकै उहाँलाई मधेसको मसिहा भनिएको होइन’, उनले थपे।

बारा–२ का उम्मेदवारहरूमध्ये केही राजनीति सिक्ने क्रममा रहेका र कोही विभिन्न घटनामा संलग्न भएर बदनाम भएका सुमनको भनाइ छ।

उपेन्द्र यादव त्यस क्षेत्रमा उम्मेदवार बनेपछि त्यहाँ अरु उम्मेदवार को छ भन्ने जनतालाई चासो समेत नहुने उनको भनाइ छ।

‘उपेन्द्र यादवले त्यस क्षेत्रका जनताको अधिकारका लागि वलिदानीपूर्ण संघर्ष गरे। जनताको पहिचानलाई स्थापित गराए। अब मधेसमा विकास र समृद्धि ल्याउनुछ। जनताको जीवनस्तर उठाउनुछ। त्यो काम उपेन्द्र यादवले मात्र गर्न सक्छन्’, मनिषले भने, ‘सर्वसाधारण जनताको आँखाबाट हेर्दा पनि यो कुरा छर्लङ्ग छ। अरु उम्मेदवारलाई उनीसँग तुलना गर्न सक्ने ठाउँ छैन। बारा–२ का लागि एक मात्र योग्य उम्मेदवार उपेन्द्र यादव हुन्।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी