मिटरब्याजीको आरोपमा जनमतका केन्द्रीय सदस्य सुरेन्द्र मधेशी पक्राउ

राजनीति

नेपाल लाइभ सोमबार, चैत २०, २०७९ १४:२५

काठमाडौं– मिटरब्याज लिएको आरोपमा प्रहरीले जनमत पार्टीका केन्द्रीय सदस्य सुरेन्द्र मधेशीलाई पक्राउ गरेको छ।

पीडितहरूले काठमाडौं केन्द्रित आन्दोलन गरिरहँदा प्रहरीले उनलाई पक्राउ गरेको हो। सप्तरीको राजविराजबाट सोमबार बिहान उनलाई पक्राउ गरिएको सप्तरी प्रहरीले जनाएको छ।

यसरी पक्राउ पर्ने उनी राजनीतिक तहका उच्च नेता हुन्। उनीविरुद्ध आपराधिक विश्वासघात तथा ठगी मुद्दा चलाउने प्रहरीको तयारी छ। हालसम्म मिटरब्याज लिएको आरोपमा अलग्गै मुद्दा चलाउने कानुन नभएकाले उनलाई सोही अभियोगमा म्याद थप हुने र कानुन निर्माण भएमा त्यही अनुरार अभियोगपत्र लैजाने प्रहरीको तयारी छ।

उनी जनमतका संस्थापक सदस्य समेत हुन् भने स्थानीय डेरी व्यवसायी पनि हुन्।

पीडितहरूले केही दिनदेखि काठमाडौं केन्द्रित आन्दोलन गरेर सरकारसँग पाँच बुँदे सहमति गरेका छन्। सोमबार बस्ने मन्त्रिपरिषद्को बैठकले पनि उनीहरूको माग सम्बोधन गर्न आयोग बनाउने तयारी गरेको छ। सोमबार नै मिटरब्याज पीडितहरूको अर्को टोली काठमाडौं आइपुगेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सपथ लिनुअघि ट्रम्पले ल्याए आफ्नै क्रिप्टोकरेन्सी

मदन भण्डारी राजमार्गको पूर्वी खण्डमा ४२ किलोमिटर सडक कालोपत्र, कँहा कँहा कति भइसक्यो ?

एमालेमा फर्किँदै बामदेव गौतम