वैशाख १० गते हुने उपनिर्वाचनका लागि आज उम्मेदवारी दर्ता हुँदै

राजनीति

नेपाल लाइभ सोमबार, चैत २०, २०७९ ०६:००

काठमाडौं– आगामी वैशाख १० मा हुने प्रतिनिधि सभा सदस्यको उपनिर्वाचनका आज (सोमबार) उम्मेदवारको मनोनयन पत्र दर्ता हुँदैछ।

निर्वाचन आयोगले तय गरेको कार्यक्रमअनुसार निर्वाचनमा भाग लिन दर्ता भएका राजनीतिक दलका तर्फबाट र स्वतन्त्र उम्मेदवारले सम्बन्धित मुख्य निर्वाचन अधिकृतको कार्यालयमा उम्मेदवारको मनोनयनपत्र दर्ता गर्नेछन्।

वैशाख १० गते चितवन क्षेत्र नम्बर २, तनहुँ क्षेत्र नम्बर १ र बारा क्षेत्र नम्बर २ मा उपनिर्वाचन हुन लागेको हो।

गत मंसिर ४ गतेको निर्वाचनमा निर्वाचित रवि लामिछाने नागरिकतासम्बन्धी मुद्दामा सर्वोच्च अदालतको फैसलाबाट पदमुक्त भएपछि चितवन- २ , राष्ट्रपतिमा रामचन्द्र पौडेल निर्वाचित भएपछि तनहुँ- १ र उपराष्ट्रपतिमा रामसहायप्रसाद यादव निर्वाचित भएपछि बारा- २ मा उपनिर्वाचन हुन लागेको हो।

उपनिर्वाचनका लागि शनिबार नै मुख्य निर्वाचन अधिकृतको कार्यालय स्थापना भइसकेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

इजरायलले युद्धविराम सम्झौता उल्लंघन गरेको भन्दै हमासले गर्यो बन्धक रिहाइ स्थगित गर्ने घोषणा

बन्धकहरूलाई रिहा नगरिए युद्धविराम रद्द गर्नुपर्ने हमासलाई ट्रम्पको चेतावनी

प्रतिनिधिसभा बैठक बस्दै, यस्तो छ कार्यसूची