काठमाडौं– इञ्जिनियर व्यवसायी दर्ता ( इञ्जिनियर लाइसेन्स) मा ३० प्रतिशत भन्दा कम पास भएका छन्। पहिलोपटक लिइएको उक्त परीक्षामा सहभागी २ हजार ६ जनामा जम्मा ५६५ उत्तीर्ण भएका हुन्।
नेपाल इञ्जिनयरिङ परिषद्ले पहिलोपटक लिएको उक्त परीक्षामा उत्तिर्णदर कमजोर हुनुका विभिन्न कारण रहेको परीक्षा संयोजक विष्णुप्रसाद पाण्डे बताउँछन्। कारण विभिन्न भए पनि गुणस्तरमाथि प्रश्न उठेको विषयलाई नजरअन्दाज गर्न नसकिने उनले बताए।
उनले भने, ‘परम्परागत ढंगले भइरहेको पठनपाठनमाथि पनि प्रश्न उठेको छ। हामी सवै प्राध्यापक, विद्यार्थी र अभिभावक गम्भीर हुनुपर्छ। यसले इञ्जिनियरिङ अध्ययनकै गुणस्तरमै प्रश्न उठाएको छ।’
नतिजा कमजोर आउनुमा विभिन्न कारण रहेको पाण्डेले उल्लेख गरे। मुख्यगरी कोभिडको समयमा पढेकाहरुको ब्याच भएकाले यस्तो देखिएको हुनसक्ने उनको भनाइ छ। अर्को विद्यार्थीको लाइसेन्स परीक्षा दिँदाको समयको ग्यापले पनि असर पारेको पाण्डेले बताए।
पहिलोपटक भएकाले विद्यार्थीको तयारी नपुगेको बताउँदै आगामी दिनमा राम्रो नतिजा आउँदै जाने पाण्डेले अपेक्षा व्यक्त गरे। प्रश्न इञ्जिनिरिङ अभ्यासको न्यूनतम मापदण्डमै रहेको प्रतिक्रिया प्राप्त भएको पाण्डेले जानकारी दिए। उनले थपे, ‘हामीले विद्यार्थीलाई परीक्षापछि सोधेका थियौं। सबै प्रश्नको उत्तर दिन नसके पनि यत्तिको स्ट्यान्डर्डको प्रश्न आवश्यक रहेको उहाँहरुको प्रतिक्रिया थियो।’
यस्ताे छ नतिजा:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
