नवलपरासी पूर्वमा एकै ठाउँमा ९ वटा बम फेला

सुरक्षा/अपराध

नेपाल लाइभ सोमबार, चैत १३, २०७९ १०:०९

नवलपुर– नवलपरासी (पूर्व)मा बेवारिसे अवस्थामा एकै ठाउँमा ९ वटा बम फेला परेका हुन्। जिल्लाको विनयीत्रिवेणी गाउँपालिका–५ को भेडी गाउँमा बेवारिसे अवस्थामा ९ वटा बम फेला परेका हुन्।

आइतवार दिउँसो बारीमा बम देखेपछि स्थानीयवासीले सुरुमा जनप्रतिनिधिलाई खबर गरेका थिए। जनप्रतिनिधिले स्थानीय प्रशासनलाई खबर गरेपछि बम भेटिएको ठाउँतर्फ प्रहरीको टोली परिचालन गरिएको छ।

स्थानीयका अनुसार जंगल नजिककै बारीमा चौपाया चराउन गएका बालबालिकाले ‘अचम्मको वस्तु’ फेला परेको भन्दै अभिभावकलाई खबर गरेका थिए। सुरुमा एउटा वस्तु फेला परेकोमा खोतल्दै जाँदा अरु ९ वटा वस्तु भेटिएका थिए।

जम्मा भएका स्थानीयले फेला परेको वस्तु बम भएको बताएपछि जनप्रतिनिधिलाई पनि बोलाइएको थियो।

भारतीय सेनाका पूर्व सैनिक रहेका स्थानीय बासिन्दा रुकेश सरामुका अनुसार ती ८१ एमएममोटरको बम (गोला) हुन्। फेला परकोमध्ये एउटा बमले ५ हजार २०० मिटर रेन्ज काटी जमिनमा विस्फोट हुँदा १८० मिटर वरपरको क्षेत्र ध्वस्त पार्ने सरामुले उल्लेख गरे।

जिल्ला प्रहरी कार्यालय पूर्वी नवलपरासीले प्रहरी निरीक्षक (इन्सपेक्टर)को कमाण्डमा प्रहरी टोली बम भेटिएको ठाउँतर्फ गइरहेको जानकारी दिएको छ। ती बम कसले र कहिले राखेको हो भन्नेबारे यकिन भएको छैन।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मदन भण्डारी राजमार्गको पूर्वी खण्डमा ४२ किलोमिटर सडक कालोपत्र, कँहा कँहा कति भइसक्यो ?

एमालेमा फर्किँदै बामदेव गौतम

धोविखोला करिडोरमा सरकारी जग्गा अतिक्रमण गरेर बनाइएका संरचना भत्काइयो