काठमाडौं– सशस्त्र प्रहरी बलका एक जना इन्सपेक्टर मृत्यु भएको छ। मृत्यु हुनेमा ४३ वर्षीय इन्सपेक्टर तिर्थ ढुंगेल छन्।
उनी भक्तपुरको मध्यपुर ठिमी नगरपालिका–९ भाटभटेनी सुपरमार्केट नजिकको तथा राधे राधे भन्ने ठाउँमा अचेत अवस्थामा अवस्थामा चैत ४ गते फेला परेका हुन्।
राधे राधे नजिकको प्राणजल फास्ट फुड रेष्टुरेन्टमा गएर फर्कने क्रममा उनी लडेर अचेत अवस्थामा भेटिएका थिए। दिउँसो ५ बजेतिर स्थानीयले अचेत अवस्थामा सडकमा लडेको देखेपछि उनलाई बा २ ज २४५६ नम्बरको ट्याक्सीमा राखेर उपचारका लागि मध्यपुर अस्पताल पुर्याइएको थियो।
अस्ताल पुर्याएको १ घण्टापछि उनलाई मृत घोषणा गरिएको थियो। ढुंगेल सशस्त्र प्रहरी प्रधान कार्यालय हल्चोकस्थित बैण्ड गुल्ममा कार्यरत रहेका थिए।
ट्याक्सी चालक, एक महिला र अन्य पुरुषले उनलाई उपचारका लागि अस्पताल पुर्याएका थिए। अहिले प्रहरीले ट्याक्सी चालकसमेतका व्यक्तिलाई नियन्त्रणमा लिएर अनुसन्धान गरिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
