पीएनजीविरुद्ध पहिले फिल्डिङ गर्दै नेपाल, करण केसी खेलमा फर्किए

क्रिकेट

नेपाल लाइभ सोमबार, फागुन २९, २०७९ ०९:४३

काठमाडौं– अन्तर्राष्ट्रिय क्रिकेट परिषद् (आईसीसी) विश्वकप लिग २ क्रिकेट प्रतियोगिताअन्तर्गत पपुवा न्युगिनीविरुद्धको खेलमा नेपालले टस जितेर फिल्डिङ रोजेको छ।

अन्तिम त्रिकोणात्मक सिरिजको तेस्रो खेलअन्तर्गत नेपालले पीएनजीसँग प्रतिस्पर्धा गर्दै छ। खेल त्रिवि क्रिकेट मैदानमा जारी छ।

पीएनजीविरुद्धको खेलका लागि नेपाली टोलीमा १ परिवर्तन गरिएको छ। गुलशन झा बेञ्चमा बसेका छन् भने करण केसी टोलीमा फर्किएका छन्।

पछिल्लो समय उत्कृष्ट लयमा रहेको नेपालले विश्वकप लिग २ मा २ खेल खेल्न बाँकी छ। लिग २ को शीर्ष ३ मा रहँदै विश्वकप छनोटमा सोझै स्थान बनाउन नेपालले बाँकी २ वटै खेलमा जित निकाल्नुपर्ने हुन्छ।

पीएनजीविरुद्धका पछिल्ला ५ खेलमध्ये ३ खेलमा जित निकालेको नेपाल सोमबार पनि आफ्नो विजयी यात्रालाई कायम राख्ने लक्ष्यका साथ मैदानमा उत्रिनेछ। नेपालमा जारी अन्तिम त्रिकोणात्मक सिरिजको पहिलो खेलमा नेपालले पीएनजीलाई ५२ रनले हराएको थियो।

आइतबार संयुक्त अरब ईमिरेट्स (यूएई)लाई हराउँदै नेपालले ४ वर्षका लागि एकदीवसीय मान्यता जोगाएको छ। आइतबारको जितसँगै नेपाल ३४ खेलबाट ३६ अंकसहित अंक तालिकाको चौथो स्थानमा उक्लिएको छ।

नेपालले विश्वकप लिग टूको अन्तिम खेल चैत २ गते यूएईसँग खेल्नेछ।

नेपाली टिम:
रोहित पौडेल (कप्तान), आसिफ शेख (विकेटकिपर), कुशल भुर्तेल, करण केसी, कुशल मल्ल, भीम सार्की, आरिफ शेख, दीपेन्द्रसिंह ऐरी, ललित नारायण राजवंशी, सोमपाल कामी र सन्दीप लामिछाने।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हवलदार सहित नेपाल प्रहरीका २१ कर्मचारी सम्पर्कविहीन, ७ दिनभित्र हाजिर हुन आउन आग्रह

असिनापानीले स्याउ बगैँमाचामा क्षति

एमाले सचिवालय बैठक बस्दै