काठमाडौं– नेपाली कांग्रेसका नेता मिनेन्द्र रिजालले सशस्त्र विद्रोहलाई जनयुद्ध दिवसका रुपमा सार्वजनिक बिदा दिनु विस्तृत शान्ति सम्झौता र १२ बुँदे समझदारी विपरीत भएको बताएका छन्।
उनले प्रधानमन्त्री पुष्पकमल दाहाल प्रचण्डले २०५२ मा सुरु गरेको सशस्त्र बिद्रोहलाई जनयुद्ध दिवसको रुपमा बिदा दिएर विस्तृत शान्ति सम्झौता, १२ बुँदे समझदारी र संविधानको भावनाभन्दा बाहिर गएको बताएका हुन्।
प्रचण्ड यसप्रकारको बाटोमा जान थाले उनलाई नेपाली कांग्रेसले बोक्न नसक्ने चेतावनी दिए। यस्तै उनले नवनिर्वाचित राष्ट्रपति रामचन्द्र पौडेलले गठबन्धनको सहमति कार्यान्वयन गर्ने राष्ट्रपतिको रुपमा काम गर्नु नहुने बताएका छन्।
नेता रिजालले नवनिर्वाचित राष्ट्रपति पौडेलले संविधानभन्दा बाहिर गएर गठबन्धन राजनीतिको साक्षीको रुपमा काम नगर्ने स्पष्ट पारेका हुन्। उनले राष्ट्रपतिले गठबन्धनको सहमतिलाई कार्यान्वयन गर्ने राष्ट्रपतिको रुपमा काम नगर्ने पनि स्पष्ट पारे।
गठबन्धनमा भएका शर्तहरुको जिम्मा राष्ट्रपतिले लिएर सोही अनुसार भूमिका गर्नुपर्छ भन्ने नसोच्न प्रधानमन्त्री प्रचण्डलाई सुझाव दिएका छन्।
नेता रिजालले गठबन्धनकाबीचमा भएका सहमति कार्यान्वयन पार्टीले गर्ने र त्यसका लागि नेपाली कांग्रेस इमान्दार हुने बताएका छन्। साथै उनले राष्ट्रपति पौडेल गठबन्धनको परिधिभित्र नबस्ने बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
