काठमाडौं– नेपाली कांग्रेसका सांसद प्रदीप पौडेलले संक्रमणकालीन न्यायका विषयमा बाँकी रहेका कामलाई गिजोल्न नहुने बताएका छन्।
राष्ट्रपति निर्वाचनका लागि मतदान गर्न बानेश्वरस्थित मतदान केन्द्रमा पुगेका पौडेलले उक्त कुरा बताएका हुन्।
संक्रमणकालीन न्यायको विषयमा प्रधानमन्त्री प्रचण्डको एक अभिव्यक्तिलाई लिएर सर्वोच्च अदालतमा परेको रिटमा बिहीबार सुनुवाइ हुँदैछ।
सोही विषयमा पत्रकारहरुको प्रश्नमाथि जवाफ दिँदै पौडेलले भने, ‘प्रचण्डजी एकाएक जनयुद्ध सकिएर भखर्र खुला हुनु भएको व्यक्ति हैन। उहाँलाई त्यो आरोप लगाउनु नै थियो भने अहिले लगाएर हाल्नु पर्ने कारणै छैन। त्यस विषयमा मेरो आफ्नै धारणा छ। त्यो युद्ध सही थियो–थिएन। आवश्यक थियो–थिएन। तर, जे सुकै भएपनि त्यसलाई हामीले पहिलै स्वीकारीसकेको हो। त्यसलाई राजनीतिक द्वन्द्वका रुपमा स्वीकारेको हो।’
पौडेलले शान्ति स्थापना गर्ने भनेर सम्झौता गरेर माओवादीलाई खुला राजनीतिमा ल्याएको सुनाए। ‘त्यसमा कांग्रेसको अहम भूमिका छ। त्यसकारण त्यसलाई बल्झाउने, मौका पाइयो भनेर न्याँक्ने जस्ता कुरा स्वाभाविक छैन’, पौडेलले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768981471.jpg)
-1764146706.png)
