काठमाडौं– प्रधानमन्त्री निवास बालुवाटारमा बसेको आठ दलीय गठबन्धनसहित नौ दलको बैठकले संक्रमणकालीन न्यायसम्बन्धी विधेयक संसद्मा लैजाने निर्णय गरेको छ। आइतबार साँझ बसेको बैठकले उक्त निर्णय गरेको हो।
संक्रमणकालीन न्यायका बारेमा केही समययता उठेका विषयमा गठबन्धनमा आवद्ध दलहरुको गम्भीररुपले ध्यानाकर्षण भएको बैठकपछि जारी विज्ञप्तिमा भनिएको छ।
‘शान्ति प्रक्रियाका बाँकी कामलाई विस्तृत शान्ति–सम्झौता र संविधानको भावना अनुरुप तार्किक निष्कर्षमा पुर्याउन हामी प्रतिबद्ध छौं। द्वन्द्वकालीन घटनाबाट पीडित नागरिक एवम् उनका परिवारलाई न्याय दिन आवश्यक विधेयक सम्मानित सर्वोच्च अदालतको फैसला बमोजिम कानुन बन्नेगरी संसद्को यसै अधिवेशनमा प्रस्तुत गरिनेछ,’ विज्ञप्तिमा भनिएको छ।
यस्तै पछिल्लो समय राजतन्त्र पुनर्स्थापनाका लागि भइरहेका आन्दोलनहरुप्रति आफूहरुको गम्भीर ध्यानाकर्षण भएको गठबन्धनमा आवद्ध दलहरुले बताएका छन्।
बैठकपछि सञ्चारकर्मीसँग कुरा गर्दै नेपाली कांग्रेसका प्रमुख सचेतक रमेश लेखकले संविधान विपरीत भइरहेको गतिविधिविरुद्ध ध्यानाकर्षण भएको बताएका छन्।
विज्ञप्तिमा भनिएको छ, ‘केही दिनयता जनताको त्याग र बलिदानबाट प्राप्त संविधान र लोकतान्त्रिक गणतन्त्रको मर्म एवम् भावना विपरीत भइरहेका केही क्रियाकलापविरुद्ध हाम्रो गम्भीर रुपले ध्यानाकर्षण भएको छ। संविधानले नचिनेका नदेखेका तथाकथित पदका नाममा गरिने संविधान विपरीतका गतिविधि र तिनलाई सहयोग गर्ने क्रियाकलापहरु लोकतन्त्र विरोधी अवाञ्छित हुन् भन्ने विषयमा हामी एकमत छौं।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
