काठमाडौं- राष्ट्रिय प्रजातन्त्र पार्टीका मन्त्रीहरुले राजीनामा दिएपछि रिक्त रहेका मन्त्रालयहरुको जिम्मेवारी पनि प्रधानमन्त्री पुष्पकमल दाहाल प्रचण्डले नै राखेका छन्। राष्ट्रपति कार्यालयले आइतबार सूचना जारी गरेर सो जानकारी गराएको हो।
राप्रपाका तीन मन्त्रीले शनिबार राजीनामा दिएका थिए। राजीनामा दिनेहरु उपप्रधानमन्त्री एवम् उर्जा, जलस्रोत तथा सिँचाई मन्त्री राजेन्द्रप्रसाद लिङ्देन; सहरी विकास मन्त्री विक्रम पाण्डे र कानुन न्याय तथा संसदीय मामिला मन्त्री ध्रुवबहादुर प्रधानले राजीनामा दिएका थिए।
यसअघि राष्ट्रिय स्वतन्त्र पार्टीका मन्त्रीहरुले राजीनामा दिएपछि रिक्त रहेका मन्त्रालयको जिम्मेवारी पनि प्रधानमन्त्री प्रचण्डले नै राखेका थिए।
यससँगै प्रधानमन्त्री प्रचण्डले आठ मन्त्रालयको नेतृत्व सम्हाल्ने भएका छन्। उनले वन तथा वातावरण, युवा तथा खेलकुद,गृह, शिक्षा, विज्ञान तथा प्रविधि,श्रम, रोजगार तथा सामाजिक सुरक्षा, ऊर्जा, जलस्रोत तथा सिँचाई, सहरी विकास र कानुन, न्याय तथा संसदीय मामिला मन्त्रालयको जिम्मेवारी सम्हाल्न लागेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
