एमाले सचिवालय बैठक बस्दै, सरकार र राष्ट्रपतिबारे निर्णय गर्ने

राजनीति

नेपाल लाइभ शनिबार, फागुन १३, २०७९ ०६:१९

काठमाडौं- नेकपा एमालेले शनिबार बिहान ९ बजेका लागि सचिवालय बैठक बोलाएको छ। बैठकले सरकार र राष्ट्रपतिको उम्मेदवारको विषयमा निर्णय लिने बताइएको छ।

पुस १० गतेको सहमतिबाट प्रधानमन्त्री पुष्पकमल दाहाल प्रचण्ड पछि हटेको र राष्ट्रपतिमा कांग्रेस उम्मेदवारलाई सघाउने भएपछि एमालेका नेताहरुले असन्तुष्टि जनाएका छन्। त्यसैले शनिबारको सचिवालय बैठकले सरकारबाट बाहिरिने निर्णय लिने एक पदाधिकारीले बताए।

शुक्रबार साँझ बालुवाटारमा बसेको आठ दलको बैठकले राष्ट्रपतिमा कांग्रेस उम्मेदवारलाई सघाउने निर्णय गरेको थियो। यो सहमतिसँगै पुस १० मा निर्माण भएको एमाले र माओवादी केन्द्र लगायतका दलहरुको गठबन्धन भत्किएको छ।

राष्ट्रपतिको निर्वाचन यही फागुन २५ मा हुँदैछ। त्यसका लागि शनिबार बिहान १० बजेदेखि दिउँसो ३ बजेसम्म उम्मेदवारी दर्ता हुँदैछ। आजै उम्मेदवारहरुको सूची प्रकाशित हुनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनताको अवस्था बदल्ने कार्यभार पूरा भइसकेको छैन– प्रचण्ड

रनको बर्षा भएको खेलमा पाकिस्तानको कीर्तिमानी जित

छोरीको शव नेपाल ल्याउन १० महिनादेखि भौँतारिरहेकी ७० वर्षीया धनमाया