काठमाडौं– जाजरकोटका एक बालक काभ्रेको पाँचखालबाट बेपत्ता भएका छन्।
पाँचखालमा बाबुआमासहित बस्दै आएका जाजरकोटको भेरी नगरपालिका–५ का १३ वर्षीय भद्र चन्द हराएका हुन्।
उनी यही फागुन ७ गते बिहान ९–१० बजेको समयमा घरबाट निस्किएका र त्यसपछि नफर्किएका बाबु मानबहादुर चन्दले जानकारी दिए।
मानबहादुरका अनुसार बालक हराएकोबारे मंगलबार प्रहरी चौकी पाँचखालमा निवेदन दिइएको छ।
दुग्धेश्वर मावि पाँचखालमा कक्षा ८ मा अध्ययनरत उनी निलो आकाशे रंङको विद्यालय पोशाकसहित बेपत्ता भएका हुन्। प्रहरी, विद्यालय र आफूहरूले उनको खोजी कार्य जारी राखेको मानबहादुरले बताए।
उनले आफ्नो छोरालाई कोही कसैले कहीँ कतै देखे नजिकको प्रहरी कार्यालय वा ९७६१६४९३२५ मा सम्पर्क गरिदिन भनेका छन्। मानबहादुर आफ्ना दुई छोरा र श्रीमतीसहित पाँचखालमा बस्दै आएका छन्। उनको परिवार पाँचखालमा मजदुरी गर्दै आएको छ।
प्रहरी चौकी पाँचखालले बालक चन्द हराएको विषयमा अभिभावकले निवेदन दिएको र उनको खोजतलास जारी रहेको बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791090469.jpeg)
