कारागारभित्रै केक काटेर जन्मदिन मनाउँदै पल शाह, कलाकार पुगे शुभकामना दिन

सुरक्षा/अपराध

नेपाल लाइभ बुधबार, फागुन १०, २०७९ १३:५१

काठमाडौं– तनहुँ कारागारमा कैद सजाय भुक्तान गरिरहेका कलारका पल शाह (पूर्णविक्रम) ले जेलभित्रै केक काटेर जन्मदिन मनाउने भएका छन्।

बुधबार फागुन १० गते कलाकार शाहको जन्मदिन हो। सो अवसरमा कलाकार शाहले जन्मदिन मनाउन पाउनु पर्‍यो भन्दै जेलर नारायणप्रसाद अधिकारीसँग अनुमति मागेका थिए। उनको आग्रहपछि जन्मदिन मनाउन अनुमति दिइएको जेलर अधिकारीले नेपाल लाइभलाई जानकारी दिए।

शाहले आफ्नो जन्मदिन सेलिब्रेसन गर्नका लागि नायिका पूजा शर्मादेखि नायक शोभित बस्नेत, योगेशकाजी बज्राचार्य, गणेश गिरीसम्म आउने भन्दै नाम समेत टिपाएका छन्।

अन्य विभिन्न व्यक्तिहरु पनि अहिले कारागार आउँदै शाहलाई शुभकामना दिँदै बिदा भएको जेलर अधिकारीले बताए। जन्मदिन मनाउनका लागि शाहले एउटा केक समेत अर्डर गरेका छन्। कलाकारको साथमा जेलभित्रै जन्मदिन मनाउने शाहको योजनामा जेल प्रशासनले साथ दिएको छ।

एक नाबालिगलाई यौन दुर्व्यवहार गरेको घटनामा दोषी ठहर भएपछि उनी तनहुँ कारागारमा कैद सजाय भुक्तान गरिरहेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुडानमा विद्रोही अर्धसैनिक समूहको आक्रमणमा १४ जनाको मृत्यु

खो खो विश्वकप : पुरुषतर्फ पनि नेपाल उपविजेता, भारत च्याम्पियन

कोलम्बियामा विद्रोहीको आक्रमणमा परी ६० जनाको मृत्यु